22 naýryz kúni Astananyń birneshe kósheleri jabylady - jol polıtsııasy
ASTANA. 18 naýryz. QazAqparat - 22 naýryzda Astananyń birqatar kósheleri jabylady. Bul jóninde búgin ótken baspasóz máslıhatynda Astana qalasynyń ІІD jol polıtsııasy basqarmasy bastyǵynyń orynbasary Qalı Aımaǵambetov málim etti.
Onyń aıtýynsha, bul sharalar jol qaýipsizdigin qamtamasyz etý úshin jasalǵan.
«22 naýryz kúni «Qazaq eli» monýmenti alańynda halyq kóp jınalady dep kútilýde. Sondyqtan JPB ınspektorlary qozǵalysty qaýipsiz ári keptelis bolmaıtyndaı etip uıymdastyrýy qajet. 22 naýryz kúni tańǵy saǵat segizden bastap is-sharalar aıaqtalǵanǵa deıin avtokólik qozǵalysy Táýelsizdik dańǵyly - R.Qoshqarbaev (Saraıshyq kóshesi) kóshesinen bastap J.Nájimedenov kóshesine deıin; Baıtursynov kóshesi - B. Momyshuly kóshesinen Sarykól kóshesine deıin; Saraıshyq kóshesi - M1-den Obaǵan kóshesine deıin; Syǵanaq kóshesi - M3-ten Obaǵan kóshesine deıin tolyǵymen jabyq bolady», - dedi Q. Aımaǵambetov.
Meıram kúni júrgizýshiler ýaqytsha Orynbor kóshesindegi aınalma jolmen júrýleri qajet.
Sondaı-aq, Q. Aımaǵambetovtiń aıtýynsha, tıisti aýmaqta avtoturaqtardyń jetkiliksizdigin eskere otyryp, jeke avtokólikpen emes, qoǵamdyq kólikpen júrý tıimdi bolady.
Taǵy bir aıta keterligi, mereke kúnderi polıtseıler kúsheıtilgen rejımde jumys isteıdi. Astanada jol qaýipsizdigin 450 ınspektor qamtamasyz etetin bolady.
