22 naýryz kúngi aýa raıy boljamy
NUR-SULTAN. QazAqparat – 22 naýryz kúni Respýblıkanyń basym bóliginde qubylmaly kún raıy saqtalady, keı jerlerde jańbyr jáne qar túrinde jaýyn-shashyn jaýyp, ekpindi jel turady. Soltústik, ortalyq, shyǵys aımaqtarda jaıaý burqasyn kútiledi. Respýblıkanyń jekelegen jerlerinde tuman, kóktaıǵaq, ońtústik-batysynda naızaǵaı boljanady, dep habarlaıdy QazAqparat.
Atap aıtqanda, Pavlodar, Qaraǵandy, Shyǵys Qazaqstan, Aqmola oblystarynda keı jerlerde tuman, kóktaıǵaq bolady, 15-23 m/s ekpinde jel turady. Aqmola, Qaraǵandy, Shyǵys Qazaqstan oblystarynda sondaı-aq jaıaý burqasyn bolady.
Soltústik Qazaqstan, Qostanaı, Batys Qazaqstan oblystarynyń keı jerlerinde tuman, kóktaıǵaq kútiledi. Qostanaı oblysynda kúndiz jeldiń kúshi 15-20 m/s artýy yqtımal.
Almaty oblysynyń túnde jáne tańerteń keı jerlerinde tuman bolady. Jalańashkól aýmaǵynda jeldiń kúshi 15-20 m/s kúsheıýi yqtımal.
Qyzylorda, Mańǵystaý, Atyraý, Aqtóbe oblystarynda keı jerlerde tuman bolady. Mańǵystaý oblysynyń jekelegen aýmaǵynda naızaǵaı kútiledi.
Jambyl oblysynda keı jerlerde tuman, jeldiń kúshi 15-20 m/s, túnde keı jerlerde – kóktaıǵaq kútiledi.
