22 myńnan astam otbasy ońtústikten soltústikke kóshetin bolady
ShYMKENT. QazAqparat - «Turǵynúıqurylysjınaqbanki» ońtústikten soltústikke kóshetin azamattar úshin jeńildikter qarastyrýda, dep habarlaıdy QazAqparat Ońtústik Qazaqstan oblystyq jumyspen qamtýdy úılestirý jáne áleýmettik baǵdarlamalar basqarmasynyń mamandaryna silteme jasap.
Bank qonys aýdarýshylarǵa turǵyn úı baǵasynyń 50 protsentinen de tómen baǵada baspana alýǵa múmkindik jasap otyr. Vedomstvonyń málimetteri boıynsha, soltústikke kóshýge nıet bildirgenderge memleketten aýqymdy kómek kórsetiledi.
Statıstıkalyq málimetterge qaraǵanda, sońǵy úsh jylda Maqtaaral aýdanynyń turǵyndary 272 myń adamǵa kóbeıgen. Saryaǵash aýdanynda bul kórsetkish 100 myń adamdy qurap otyr. Atalǵan kórsetkishterdi azaıtý maqsatynda aldaǵy 5 jylda 22 myńnan astam otbasylardy soltústik óńirge kóshirý jospary bar.
Aıta ketetin másele, turǵyndardy soltústikke kóshirý baǵdarlamasy bastalǵaly beri atalmysh aımaqqa 58 myń 904 otbasy qonys aýdaryp, olardyń 40 protsenti ońtústik óńirden kelgender bolyp otyr. Bul óz kezeginde el turǵyndarynyń belsendilikteriniń joǵary ekendigin kórsetedi, sondyqtan bolashaqta bul kórsetkishterdi tómendetpeýge kúsh salynýda. Osyǵan qaraı jumys oryndary men beriletin jeńildikterge qatysty keń aýqymdy túsindirý jumystary júrip jatyr. Soltústikke kóshý jóninde sheshim qabyldaǵan kez kelgen azamat bar basymdyqtardy paıdalana alatynyn aıta ketý kerek.
