22 myń qazaqstandyq qaıtarymsyz memlekettik grant aldy

NUR-SULTAN. QazAqparat – «Eńbek» baǵdarlamasynyń aıasynda 22,8 myń qazaqstandyq qaıtarymsyz memlekettik grantqa ıe bolǵan, dep habarlaıdy QazAqparat tilshisi.

QR Eńbek jáne halyqty áleýmettik qorǵaý mınıstrliginiń baspasóz qyzmetiniń málimeti boıynsha, 2021 jyldyń 10 aıynda «Eńbek» baǵdarlamasyna 584 myńnan astam adam qatysqan.

«1 qarashadaǵy jaǵdaı boıynsha 584 myńnan astam adam «Eńbek» memlekettik baǵdarlamasynyń qatysty. Olarǵa kómektesý barysnyda 689,2 myń shara qabyldandy. Nátıjesinde 434,3 myń adam jumysqa ornalasyp, 315,3 myńy turaqty jumys tapty.

Baǵdarlamanyń birinshi baǵyty boıynsha 16,9 myń adam qysqa merzimdi kýrstarǵa, 15 myń adam qaıta oqytýǵa jiberildi. 8 myńnan astam adam óz isin ashý úshin jeńil nesıe alsa, 22,8 myń adam qaıtarymsyz memlekettik grantqa ıe boldy», - dep jazady vedomstvonyń baspasóz qyzmeti.

Mınıstrliktiń habarlaýynsha, 172,8 myń adam eńbekaqynyń bir bóligi sýbsıdııalanatyn jumysqa turǵan. Onyń ishinde: áleýmettik jumys oryndaryna 17,9 myń adam; jastar praktıkasyna – 25,4 myń adam; qoǵamdyq jumystarǵa – 129,5 myń adam tartylǵan.

«Eńbek resýrstarynyń utqyrlyǵy sheńberinde 1 814 otbasy nemese 6 102 adam jumys kúshi tapshy eldi mekenderge qonys aýdardy. Onyń ishinde 2 610 adam eńbekke qabiletti jasta», - delingen mınıstrliktiń dereginde.