Shymkenttegi tsement zaýyty negizsiz kedergige tap bolǵan - prokýratýra
Investorlardyń quqyqtarynyń buzylýynyń aldyn alý, jolyn kesý jáne olardy damytýǵa kómektesý maqsatynda Shymkent qalasynyń prokýratýrasynda barlyq múddeli organdar men uıymdar qatysatyn Front-ofıs jumys isteıdi, dep habarlaıdy Kazinform qalalyq prokýratýraǵa silteme jasap.
Júrgizilip jatqan jumystar aıasynda qala prokýratýrasy «Shymkenttsement» JShS-nyń ózekti keısin qarady.
Bul ınvestor 200-den astam adamdy jumyspen qamtamasyz etip, jańǵyrtýǵa 22 mlrd teńgege jýyq ınvestıtsııa quıylǵan tsement óndirý boıynsha iri jobany júzege asyryp jatyr. 2022 jylǵy qarashada Kompanııa AQ-dan JShS-ge aınalý arqyly qaıta quryldy.
«Jer qoınaýy jáne jer qoınaýyn paıdalaný týraly» Kodeksine sáıkes jer qoınaýyn paıdalanýshy týraly málimetter ózgergen jaǵdaıda kelisimshartqa tolyqtyrý jasalady, ony ótinish kelip túsken kúnnen bastap 20 jumys kúni ishinde ákimdik qaraıdy.
Alaıda bul talapty buza otyryp, jyl boıy Shymkent qalasy ákimdiginiń jaıly ortany damytý basqarmasy ınvestormen jer qoınaýyn óndirý boıynsha qosymsha kelisim jasasýdy sozbalańdyqqa salǵan.
Prokýratýranyń qadaǵalaý aktisi boıynsha ákimshilik kedergi joıylyp, ákimdik tsement zaýytymen kelisim jasady, Jaıly ortany damytý basqarmasynyń bólim bastyǵy tártiptik jaýaptylyqqa tartyldy.
Investıtsııalyq jobany súıemeldeý jalǵasýda jáne prokýratýra basshylyǵynyń baqylaýynda.
