2,2 mlrd teńgelik eki joba: Shymkentte ınvestorlardyń máselesi sheshildi
ShYMKENT. KAZINFORM - Shymkent qalasy Abaı aýdanynyń prokýratýrasy ınvestorlardyń quqyqtaryn qorǵaý baǵytyndaǵy jumystardy júıeli túrde jalǵastyryp jatyr, dep habarlaıdy qalalyq prokýratýranyń baspasóz qyzmeti.
Prokýratýranyń aralasýymen «DRTs Týran» JShS men «Turkestan Logistic» JShS júzege asyryp jatqan qoıma keshenderin salý jobalary boıynsha týyndaǵan jer ýchaskelerin paıdalaný merzimin uzartý máselesi sheshimin tapty.
Qadaǵalaý aktisiniń nátıjesinde jobalar prokýrorlyq súıemeldeýge alynyp, sýbarenda sharttarynyń merzimi uzartyldy.
Sonyń nátıjesinde jalpy ınvestıtsııa kólemi 2,2 mlrd teńgeden asatyn eki jobanyń qurylysy úzdiksiz júrip jatyr. Qazirgi tańda «DRTs Týran» jobasynyń daıyndyǵy 80%-dy, al «Turkestan Logistic» jobasy 70%-dy quraıdy.
-Qabyldanǵan sharalar ınvestorlardyń quqyqtaryn qorǵaýǵa, jobalardy ýaqytyly iske asyrýǵa, jańa jumys oryndaryn ashýǵa jáne Shymkent qalasynyń logıstıkalyq áleýetin damytýǵa múmkindik berdi,-delingen habarlamada.
Prokýratýra organdary ınvestorlar men kásipkerlerdi quqyǵy buzylǵan jaǵdaıda +7 707 615 00 10 telefony nemese 115 Call-ortalyǵy arqyly habarlasýǵa shaqyrady.
Osyǵan deıin habarlaǵanymyzdaı, SQO-da ınvestor men sharýashylyq arasyndaǵy daý sotqa jetpeı sheshildi.
