22 maýsym. Týǵan kún ıeleri
ESІMDER
63 jyl buryn (1956) Qazaqstan Respýblıkasy Konstıtýtsııalyq keńestiń múshesi Rahmet Jeldibaıuly MUQAShEV dúnıege keldi.
Kókshetaý oblysy Chkalov aýdany, Kırov selosynda dúnıege kelgen. KSRO Іshki ister mınıstrliginiń Qaraǵandy joǵarǵy mektebin támamdaǵan, Máskeýdegi KSRO Іshki ister mınıstrligi Akademııasynyń basqarýdyń máselelerin zertteý ǵylymı Ortalyǵynyń adıýtanty. Zań ǵylymynyń kandıdaty, dotsent. QR ІІM-niń eńbek sińirgen qyzmetkeri, QR MTK-niń qurmetti qyzmetkeri. Polkovnık.
1982-1986 - jyldary KSRO Іshki ister mınıstrliginiń Qaraǵandy joǵarǵy mektebiniń aǵa oqytýshysy. 1986-1988 jyldary - Qazaqstan Kompartııasynyń Qaraǵandy obkomynyń ákimshilik organdar bóliminiń nusqaýshysy. 1988-1992 jyldary - KSRO Іshki ister mınıstrliginiń Qaraǵandy joǵarǵy mektebiniń kafedra meńgerýshisi. 1990 - 1994 jyldary - Qazaqstan Respýblıkasynyń HІІ shaqyrylǵan Joǵarǵy Keńesiniń depýtaty, Qazaqstan Respýblıkasy Joǵarǵy Keńesiniń zańnama, zańdyq jáne quqyqtyq tártip komıteti tóraǵasynyń orynbasary. 1994-1995 jyldary - Qazaqstan Respýblıkasynyń HІІІ shaqyrylǵan Joǵarǵy Keńesiniń depýtaty, Qazaqstan Respýblıkasy Joǵarǵy Keńesiniń quqyqtyq reforma, zańdyq jáne quqyqtyq tártip komıteti tóraǵasynyń orynbasary. 1995 jyly - Qazaqstan Respýblıkasy Prezıdent Ákimshiliginiń zańdylyqty, quqyqtyq tártipti qamtamasyz etý jáne sottyq reformalar bólimi meńgerýshisiniń orynbasary. 1995-1997 jyldary - Qazaqstan Respýblıkasynyń Memlekettik tergeý komıteti uıymdastyrý-kadrlyq departamentiniń bastyǵy. 1998-1999 jyldary Qazaqstan Respýblıkasy Іshki ister mınıstriniń keńesshisi. 1999 jyly - Qazaqstan Azamattyq partııasynyń saılaý naýqany shtabynyń jetekshisi. 1999 - 2004 jyldary - Qazaqstan Respýblıkasynyń ІІ shaqyrylǵan Parlament Májilisiniń depýtaty, Zańnama jáne sot-quqyqtyq reforma Komıtetiniń múshesi, Qazaqstan Azamattyq partııasynyń Parlamenttegi fraktsııasynyń jetekshisi. 2004 -2005 jyldary Qazaqstan Azamattyq partııasynyń OK hatshysy. 2005 - 2006 jyldary - QR Ádilet mınıstriniń birinshi orynbasary. 2006-2007 jyldary Qazaqstan Respýblıkasy Prezıdentiniń Parlamenttegi Ókildiginiń basshysy. 2007-2011 jyldary - IV shaqyrylǵan QR Parlamenti Májilisiniń depýtaty, «NurOtan» HDP fraktsııasy jetekshisiniń orynbasary, Zańnama jáne sot-quqyqtyq reforma komıtetiniń tóraǵasy. 2012 jyldyń qańtar aıynan V shaqyrylǵan QR Parlamenti Májilisiniń depýtaty, «NurOtan» HDP Saıası keńesiniń múshesi, Zańnama jáne sot-quqyqtyq reforma komıtetiniń tóraǵasy bolǵan.
Qazirgi qyzmetinde - 2017 jyldyń mamyrynan.
«Qurmet» (2001 j.), «Parasat» (2010 j.) ordenderimen marapattalǵan.
56 jyl buryn (1963) QR Parlamenti Májilisiniń VI shaqyrylymdaǵy depýtaty, Agrarlyq máseleler komıtetiniń múshesi Sergeı Adamovıch ZVOLЬSKII týǵan.
Kókshetaý oblysy Chkalov aýdanynyń Kalınovka aýylynda dúnıege kelgen. Tselınograd aýyl sharýashylyǵy ınstıtýtynyń Kókshetaý fılıalyn úzdik belgimen bitirgen.
1985 jyldan - Kókshetaý oblysy Chkalov aýdany Abaı atyndaǵy sovhoz brıgadasynyń kombaınshysy. 1985-1987 jydary - Keńes Armııasy qatarynda qyzmet ótkergen. 1989 jyldan - Kókshetaý oblysy Chkalov aýdany Abaı atyndaǵy sovhozdyń mashına-traktor sheberhanasynyń meńgerýshisi. 1989-1995 jyldary - Kókshetaý oblysy Chkalov aýdany Abaı atyndaǵy sovhozdyń bas ınjeneri. 1995-1998 jyldary - Abaı atyndaǵy ujymdyq kásiporynnyń tóraǵasy. 1998-2016 jyldary - «Zvolskıı S.A.» sharýa qojalyǵynyń basshysy. 2003-2011 jyldary - Taıynsha aýdany máslıhatynyń depýtaty. 2002-2016 jyldary - «Astyq-STEM» JShS-nyń dırektory. 2008-2016 jyldary «Astyq-Qaraaǵash» JShS-nyń dırektory. 2016 jylǵy 24 naýryzdan bastap VI saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń múshesi, partııalyq tizim boıynsha saılanǵan.
«Qurmet» ordenimen, «Astanaǵa 10 jyl» mereıtoılyq medalimen, II dárejeli «Eńbek Dańqy» tósbelgisimen marapattalǵan.