22 mamyr kúni respýblıkanyń basym bóliginde kún ashyq bolady
ASTANA. QazAqparat - 22 mamyr kúni Qazaqstan aımaqtarynyń basym bóliginde jaýyn-shashynsyz aýa raıy saqtalady.
Tek respýblıkanyń batysynda atmosferalyq frontaldy bólikterdiń ótýine baılanysty keı jerlerinde jańbyr jaýyp, naızaǵaı bolady. Keı jerlerinde tuman, jeldiń kúsheıýi kútiledi, ońtústik-batysta shańdy daýyl bolady. Bul týraly QR ІІM TJK habarlady.
Qaraǵandy, túnde Shyǵys Qazaqstan, Ońtústik Qazaqstan, kúndiz Qostanaı, Almaty oblystarynyń keı jerlerinde jel 15-20 m/s bolady. Jambyl oblysynyń keı jerlerinde jel 15-23 m/s shańdy daýylmen birge saqtalady. Batys Qazaqstan, Aqtobe oblystarynyń keı jerlerinde naızaǵaı kútiledi, Batys Qazaqstan oblysynda jel 15-20 m/s bolady. Mańǵystaý, Pavlodar, Soltústik Qazaqstan oblystarynyń keı jerlerinde tuman bolady. Túnde Shyǵys Qazaqstan oblysynyń keı jerlerinde 2 gradýsqa deıin úsik saqtalady.
