22 mamyrda elimizdiń túkpir-túkpirinde dybystyq elektr sırenalary iske qosylady
ASTANA. KAZINFORM — 22-23 mamyr aralyǵynda elimizdiń barlyq óńirinde «Órt-2025» respýblıkalyq komandalyq-shtabtyq oqý-jattyǵýy ótedi.
Bul is-shara basqarý organdarynyń, azamattyq qorǵaý aýmaqtyq kishi júıesi kúshteri men quraldarynyń tabıǵı órtter týyndaǵan kezdegi is-qımyldarǵa daıyndyq deńgeıin arttyrý maqsatynda uıymdastyrylady.
Oqý-jattyǵýdy úılestirý jáne basqarý respýblıkalyq shtaby Pavlodar oblysynda ornalasatyn bolady.
Transshekaralyq aýmaqta tabıǵı órtterdi sóndirýge den qoıýdy pysyqtaý úshin Reseı TJM kúshteri men quraldary tartylatyn bolady.
- Aýmaqtyq deńgeıdegi qulaqtandyrý júıesiniń daıyndyǵyn tekserý maqsatynda 22 mamyrda saǵat 9.00-de «Barshanyń nazaryna!» elimizdiń túkpir-túkpirinde barlyq qolda bar dybystyq elektr sırenalary iske qosylady. Osyǵan baılanysty tynyshtyqty saqtap, dúrbeleń men qaýesetke berilmeýińizdi suraımyz, - dep eskertti TJM.
Aıta keteıik, TJM kópqabatty úılerdiń qaýipsizdigin dron arqyly baqylamaq.