22 kún boıy kompıýterde úzdiksiz oıyn oınaǵan soń kóz jumdy
ASTANA. QazAqparat - Bashqurtstanda kompıýter aldynda úzdiksiz 22 kún boıy otyrǵan 17 jasar jasóspirim qaıtys boldy, dep habarlaıdy TASS.
Oqıǵaǵa qatysty tekserý júrgizilýde. Aldyn ala anyqtalǵandaı, 8 tamyzdan beri jasóspirim aıaǵyn jaraqattap alýyna baılanysty úıde otyrǵan. 30 tamyzda esin joǵaltqan ol aýrýhanaǵa jatqyzylǵan soń qaıtys bolǵan. Tergeýshiler anyqtaǵandaı, Bashqurtstan turǵyny 2014 jyldan beri kompıýterde oıyn oınaýǵa 2 myń saǵattan artyq ýaqytyn sarp etken. Ata-anasy úıde bolmaǵan sátteri ol onlaın-oıyndardy úzdiksiz oınap, tek uıyqtap alý úshin ǵana úzilis jasap otyrǵan. Jasóspirimniń ólim qushý sebepterin anyqtaý úshin sot-medıtsınalyq saraptama taǵaıyndaldy. Foto: AP Photo/Ahn Young-joon
