22 kún AQSh tarıhyndaǵy ekinshi eń uzaq shatdaýn boldy
ASTANA.KAZINFORM - AQSh úkimeti jumysynyń toqtaýy eldiń federaldy baǵdarlamasyna áser etken AQSh tarıhyndaǵy eń uzaq ekinshi oqıǵa boldy, dep habarlaıdy USNewsRank.
Senat úkimettiń 21 qarashaǵa deıin qaıta ashylýyn jáne avtomatty qarjylandyrýdy qamtamasyz etýge múmkindik beretin ýaqytsha shyǵystar týraly zań jobasyn 12-shi ret qabyldaı almady.
54 te 46 daýys burynǵylarmen birdeı boldy, óıtkeni respýblıkashylar da, demokrattar da bir-birimen baılanysqa shyqpaı otyr. Zań jobasyn Senatta qabyldaý úshin keminde 60 daýys qajet.
Eki demokrat senator, nevadadalyq Ketrın Kortes Masto men Pensılvanııadan Djon Fetterman respýblıkashyldarmen birge zań jobasyn qabyldaýǵa daýys berdi, biraq olardyń daýystary nátıje bermedi.
Úkimettiń uzaqqa sozylǵan áreketsizdigi 42 mıllıon tabysy tómen amerıkalyqqa qosymsha kómek kórsetý baǵdarlamasyn qarjylandyrý tapshylyǵyna alyp keledi.
AQSh úkimetiniń jumysy buǵan deıin 2018 jyldyń jeltoqsanynan 2019 jyldyń basyna deıin Donald Tramptyń prezıdent retindegi birinshi merzimi kezinde densaýlyq saqtaýdy qarjylandyrýǵa qatysty kelispeýshilikterge baılanysty 35 kúnge sozylǵan, dep habarlaıdy The Guardian.
Buǵan deıin AQSh-tyń Qazaqstandaǵy elshiligi shatdaýnǵa baılanysty málimdeme jasady.
