22 qyrkúıek. Kazinform kúntizbesi. Tulǵalar týǵan kún

Sarqytbaı QUSAIYNOV, Jetisý oblystyq polıtsııa departamentiniń bastyǵy

1973 jyly Almaty qalasynda dúnıege kelgen. 1994 jyly Taldyqorǵan Zań tehnıkýmyn, 2003 jyly D.Qonaev atyndaǵy Gýmanıtarlyq ınstıtýtyn támamdaǵan.

Eńbek jolyn Taldyqorǵan aýdany ІІB Іzdestirý bóliminiń jedel ýákili qyzmetinen bastaǵan. 1995-2019 jyldary Almaty oblysy ІІB túrli laýazymdarynda qyzmet atqardy. 2022 jyly Qaraǵandy oblysy PD Balqash QPB bastyǵy boldy. Odan keıin Jetisý oblysy PD Uıymdasqan qylmysqa qarsy kúres basqarmasyn basqardy. 2023 jyly QR ІІM Esirtki qylmysyna qarsy is-qımyl departamenti bastyǵynyń orynbasary qyzmetine taǵaıyndaldy. 2023-2024 jyldary Jetisý oblysy Polıtsııa departamentiniń bastyǵy mindetin atqardy.

Qazirgi qyzmetin 2024 jylǵy qańtar aıynan bastap atqaryp keledi.

Dáýlethan JIENQULOV, «Habar» Agenttigi» AQ Basqarma tóraǵasynyń orynbasary

1975 jyly týǵan. 2002 jyly ál-Farabı atyndaǵy Qazaq ulttyq ýnıversıtetin «Jýrnalıstıka» mamandyǵy boıynsha, 2021 jyly Qazaq gýmanıtarlyq-quqyqtyq ınnovatsııalyq ýnıversıtetin «Menedjment jáne basqarý» mamandyǵy boıynsha bitirdi, Ekonomıka ǵylymdary mamandyǵy boıynsha magıstr dárejesin aldy.

Eńbek jolyn 1997-1998 jyldary Almaty oblysyndaǵy respýblıkalyq «Zań» gazetiniń menshikti tilshisi bolyp bastaǵan. 2000-2001 jyldary «Alma-Medıa» JShS aqparattyq baǵdarlamalarynyń redaktory, 2001-2002 jyldary «KTK» aqparattyq baǵdarlamalarynyń redaktory, 2003-2003 jyldary «NTK» aqparattyq baǵdarlamalary redaktsııasynyń shyǵarýshy redaktory, 2003-2003 jyldary «31 arnanyń» jýrnalısi boldy. 2004-2005 jyldary «CaspioNET» telearnasynyń redaktory, 2005-2006 jyldary «31 arna» teleradıokompanııasy qazaq redaktsııasynyń tilshisi, 2006-2007 jyldary «Qazaqstan» AQ ASBD bas redaktory, 2007-2008 jyldary «Qazaqstan» AQ ASBD basshysy bolyp taǵaıyndaldy. 2008 jyly Memleketaralyq «Mır» teleradıokompanııasynyń redaktory, 2011-2013 jyldary «Nur-Medıa» JShS sybaılas jemqorlyqqa qarsy medıa ortalyǵy basshysynyń orynbasary qyzmetterin atqardy. 2016-2019 jyldary «Qazkontent» AQ «Bnews.kz» aqparattyq agenttigi qazaq redaktsııasynyń jaýapty redaktory, «Qazkontent» AQ «Baq.kz» aqparattyq agenttigi bas redaktorynyń orynbasary, «Qazkontent» AQ «Strategy2050.kz» aqparattyq agenttiginiń bas redaktory boldy. 2019-2022 jyldary Qazaqstan Respýblıkasy Prezıdenti Baspasóz hatshysynyń orynbasary qyzmetin atqardy.

Qazirgi qyzmetin 2022 jylǵy tamyzdan bastap atqaryp keledi.

2021 jyly «Eren eńbegi úshin» medalimen marapattalǵan.

Danıel TATAEV, Pavlodar oblystyq ádilet departamentiniń basshysy

1976 jyly Qostanaı oblysynyń Arqalyq qalasynda dúnıege kelgen.

1999 jyly A.Baıtursynov atyndaǵy Memlekettik ýnıversıtetti «Quqyqtaný» mamandyǵy boıynsha bitirgen.

Eńbek jolyn 1994-2000 jyldary Arqalyq et kombınatynyń ton-teri tsehynyń jumysshysy bolyp bastaǵan. 2000-2001 jyldary Astanadaǵy «Aokn» JShS-da zańger laýazymyn atqardy. 2001-2002 jyldary QR Ádilet mınıstrliginiń Sharýashylyq basqarmasy RMK kúzetshisi, 2002-2003 jyldary QR Ádilet mınıstrligi Іshki ákimshilendirý departamentiniń jetekshi mamany boldy. 2003-2004 jyldary QR Ádilet mınıstrligi Quqyqtyq nasıhat departamentiniń jetekshi mamany, 2004-2007 jyldary QR Ádilet mınıstrligi Іshki ákimshilendirý departamentiniń jetekshi mamany qyzmetterin atqardy. 2007-2014 jyldary QR Ádilet mınıstrliginiń Tirkeý qyzmeti komıteti Halyqty tirkeý jumysyn uıymdastyrý basqarmasy bastyǵynyń orynbasary, bas sarapshysy qyzmetterin atqardy. 2014-2015 jyldary QR Ádilet mınıstrligi Іshki ákimshilendirý departamenti Іs júrgizýdi qamtamasyz etý basqarmasynyń basshysy, 2015-2016 jyldary QR Ádilet mınıstrligi Іshki ákimshilendirý departamenti dırektorynyń orynbasary; 2016-2017 jyldary QR Ádilet mınıstrligi Memlekettik kórsetiletin qyzmetterdi monıtorıngteý jáne ishki ákimshilendirý departamenti dırektorynyń orynbasary boldy. 2017-2021 jyldary QR Ádilet mınıstrligi Kadr qyzmeti departamenti Kadr jumysy basqarmasynyń basshysy, 2021-2022 jyldary QR Ádilet mınıstrligi Іshki ákimshilendirý departamenti dırektorynyń orynbasary, 2022 jyly QR Ádilet mınıstrligi Qujattardy esepke alý jáne baqylaý departamenti dırektorynyń orynbasary qyzmetterin atqardy. 2022 jylǵy qarasha – 2023 jylǵy sáýir aralyǵynda QR Ádilet mınıstrligi Qujattardy esepke alý jáne baqylaý departamenti Azamattardyń ótinishterimen jumys basqarmasynyń basshysy qyzmetine taǵaıyndaldy. 2023 jyly QR Ádilet mınıstrligi Qujattardy esepke alý jáne baqylaý departamenti Qujattardy baqylaý basqarmasynyń basshysy, 2023 jylǵy tamyz – 2026 jylǵy maýsym aralyǵynda QR Ádilet mınıstrligi Baqylaý jáne qujattamalyq qamtamasyz etý departamenti Qujattardy baqylaý basqarmasynyń basshysy boldy.

Qazirgi qyzmetin 2026 jylǵy maýsymnan bastap atqaryp keledi.

Lázzat ShYŃǴYSBAEVA, «Qazaqstan halqyna» qoǵamdyq qorynyń basqarma tóraǵasy

1977 jyly Almaty oblysynda dúnıege kelgen. 1996 jyly Taldyqorǵan zań kolledjin, 2008 jyly Qazaqstan-Reseı ýnıversıtetin bitirgen.

Eńbek jolyn 2000 jylǵy naýryz – 2001 jylǵy mamyr aralyǵynda «Týrızm, sport jáne demalys» jýrnalynyń redaktorynyń orynbasary bolyp bastaǵan. 2001 jylǵy maýsym – 2003 jylǵy qyrkúıek aralyǵynda Túrkııanyń Ystanbul qalasyndaǵy «Zurich» qonaqúıi servıs qyzmetiniń jetekshisi, 2003 jylǵy qazan – 2006 jylǵy mamyr aralyǵynda «Citybus» JShS-nyń bas zańger-keńesshisi, 2007 jyly «Jetisý Papırýs» JShS dırektorynyń orynbasary qyzmetterin atqardy. 2007 jylǵy qarasha – 2013 jylǵy qańtar aralyǵynda «Jetisý» áleýmettik-kásipkerlik korporatsııasy» ulttyq kompanııasy» AQ quqyqtyq qamtamasyz etý jáne satyp alýdy uıymdastyrý departamentiniń dırektory, zań departamentiniń dırektory, jobalardy basqarý departamentiniń dırektory, 2013 jyly «G4» JShS-nyń «Almaty qalasynyń seriktes qalalary» jobasynyń bas menedjeri; 2013 jylǵy qazan – 2017 jylǵy qazan aralyǵynda «Atameken» kásipkerler palatasynyń Almaty oblysy boıynsha dırektory boldy. 2018 jylǵy sáýirden bastap «Meniń Atamekenim» qoǵamdyq birlestiginiń atqarýshy dırektory, 2021 jyldan bastap «ADAL» partııasynyń Almaty oblystyq fılıalynyń tóraǵasy, 2021 jylǵy qyrkúıek – 2022 jylǵy qańtar aralyǵynda Almaty oblysy Kásipkerler palatasynyń dırektory boldy. 2022 jylǵy qańtardan bastap «Qazaqstan halqyna» qorynyń Qamqorshylyq keńesiniń múshesi, 2022 jylǵy qańtar – 2025 jylǵy qańtar aralyǵynda «Qazaqstan halqyna» qory basqarma tóraǵasynyń orynbasary qyzmetterin atqardy.

Qazirgi qyzmetin 2025 jylǵy qańtardan bastap atqaryp keledi.

Erjan QULMAǴAMBETOV, QR QK Bas shtabynyń RHB qorǵaý jáne ekologııalyq qaýipsizdik departamentiniń bastyǵy

1981 jyly Almaty qalasynda dúnıege kelgen. 1998 jyly Almaty respýblıkalyq áskerı mektep-ınternatyn, 2003 jyly Áskerı RHB qorǵaý ýnıversıtetiniń fılıalyn, 2015 jyly Áskerı RHB qorǵaý akademııasyn támamdaǵan.

Áskerı qyzmet jolyn 2003–2004 jyldary 73805 áskerı bóliminiń RHB barlaý vzvodynyń komandıri bolyp bastaǵan. 2004-2008 jyldary 50185 áskerı bóliminiń hımııalyq qyzmet bastyǵy, 2008-2012 jyldary QR QK Arnaıy áskerler bas basqarmasy RHB qorǵaý basqarmasynyń aǵa ofıtseri, 2012-2016 jyldary 65476 áskerı bóliminiń batalon komandıri, shtab bastyǵy bolyp taǵaıyndaldy. 2016-2018 jyldary QR QK Qurlyq áskerleri Desanttyq-shabýyldaý áskerleriniń RHB qorǵaý áskerleriniń bastyǵy, 2018-2019 jyldary QR QK Arnaıy áskerler bas basqarmasy RHB qorǵaý basqarmasy bóliminiń bastyǵy, 2019-2020 jyldary QR QK Bas shtaby Injenerlik áskerler departamentiniń RHB qorǵaý áskerleri jáne ekologııalyq qaýipsizdik basqarmasy baǵytynyń aǵa ofıtseri boldy.

Qazirgi qyzmetin 2020 jylǵy sáýirden bastap atqaryp keledi.

Nesipbek AITULY, aqyn, Qazaqstan Jazýshylar odaǵynyń Muqaǵalı Maqataev atyndaǵy syılyǵynyń laýreaty

1950 jyly Qytaı Halyq Respýblıkasynyń Shyńjań-Uıǵyr avtonomııalyq aýdanyndaǵy Tarbaǵataı óńirinde dúnıege kelgen. 1974 jyly Qazaq memlekettik ýnıversıtetiniń jýrnalıstıka fakýltetin támamdaǵan.

Eńbek jolyn Shubartaý aýdandyq «Jańa ómir» gazetinde ádebı qyzmetker bolyp bastaǵan. 1974-1984 jyldary respýblıkalyq «Baldyrǵan» jýrnalynyń poezııa bóliminiń meńgerýshisi, «Jalyn» baspasynyń redaktory, 1984-1994 jyldary Qazaqstan Jazýshylar odaǵy tóraǵasynyń ádebı keńesshisi qyzmetterin atqardy. 1995-1996 jyldary «Aqyn» qaýymdastyǵynyń dırektory, 1997-2001 jyldary «Qazaq ádebıeti» gazetiniń syn bóliminiń meńgerýshisi, «Juldyz» jýrnalynyń poezııa bóliminiń meńgerýshisi, 2001 jyldan bastap L.N.Gýmılev atyndaǵy Eýrazııa ulttyq ýnıversıtetiniń jáne Qazaqstan Respýblıkasy Prezıdentiniń Mádenıet ortalyǵynyń aǵa ǵylymı qyzmetkeri boldy. S.Seıfýllın atyndaǵy Memlekettik mýzeıdiń dırektory qyzmetin atqarǵan.

Ol «Kóktem tynysy», «Alǵashqy jol», «Áke týraly syr», «Ýaqyt jańǵyryǵy» jáne basqa da jyr jınaqtarynyń avtory. 1988 jyly aqynnyń bastaýysh synyp oqyrmandaryna arnalǵan «Kúmis kúıme» atty óleńder jınaǵy orys tilinde jaryq kórdi. 1974 jyly «Naızaǵaı» poemasy úshin, al 1976-1977 jyldary «Jar júrek soǵa ber» jáne «Bas súıekter» poemalary úshin Qazaq KSR Memlekettik baspa, polıgrafııa jáne kitap saýdasy komıtetiniń, Qazaqstan LKSM Ortalyq Komıtetiniń, Qazaqstan Jazýshylar odaǵynyń jáne «Jalyn» baspasynyń syılyqtaryna ıe boldy.

Eńbegi joǵary baǵalanyp, «Parasat» ordenimen (2004), «Barys» ordenimen (2019), «Qazaqstan Respýblıkasynyń táýelsizdigine 25 jyl» medalimen (2016), birqatar memlekettik jáne mereıtoılyq medaldarmen, sondaı-aq «Altyn barys» tósbelgisimen (2020) marapattalǵan. 2012 jyly «Arqatirek» poemalar jınaǵy úshin Qazaqstan Respýblıkasynyń ádebıet pen óner salasyndaǵy Memlekettik syılyǵyna ıe boldy.

Aýdarǵan: Aqzat Jıenalına