22 qazanǵa arnalǵan aýa raıy boljamy
ASTANA. QazAqparat - 22 qazan kúni Qazaqstan aımaqtarynyń basym bóliginde atmosferalyq frontaldy bólikterdiń ótýine baılanysty keı jerlerde qar túrindegi jaýyn-shashyn kútiledi, tek respýblıkanyń batysynda aýa raıy jaýyn-shashynsyz bolady.
Keı aýmaqtarda tuman, kóktaıǵaq boljanady. Eldiń shyǵysynda jekelegen jerlerde jeldiń ekpini 15-20 m/s kúsheıip, jaıaý burqasyn júredi.
Atap aıtqanda, Aqmola, Qostanaı, Jambyl, Ońtústik Qazaqstan, Qaraǵandy oblystarynyń keı jerlerinde tuman, kóktaıǵaq kútiledi.
Qyzylorda, Mańǵystaý, Soltústik Qazaqstan, Pavlodar, kúndiz Almaty oblystarynyń keı jerlerinde tuman boljanady.
Shyǵys Qazaqstan oblysynyń keı aýmaqtarynda tuman, kóktaıǵaq, jaıaý burqasyn bolyp, jeldiń jyldamdyǵy 15-20 m/s kúsheıedi.
