22 qazanda Qazaqstannyń qandaı joldarynda shekteý bar
ALMATY. KAZINFORM — «QazAvtoJol» ulttyq kompanııasy Qazaqstan joldaryndaǵy shekteý týraly habarlady.
22 qazan kúni saǵat 08:00–den bastap respýblıkalyq mańyzy bar «Óskemen — Altaı — Úlken Naryn — Katonqaraǵaı — Rahman qaınarlary» avtojolynyń ýchaskesinde júk tirkemeleri men jartylaı tirkemeleri bar júk kólikterin, sondaı-aq jazǵy dóńgelekpen júrgen kólikterdi qospaǵanda, barlyq avtokólik túrleri úshin qozǵalys ashyldy.
Shekteý 7–166 shaqyrym aralyǵyndaǵy ýchaskede (Ýshanovskoe aýylynan Altaı qalasyna deıin) alyndy.
Qaı joldarda shekteýler saqtalady?
Saǵat 08:00 jaǵdaı boıynsha Shyǵys Qazaqstan oblysynda jazǵy dóńgelekpen jabdyqtalǵan kólikter úshin KAZ-08 «Almaty — Taldyqorǵan — Óskemen — Shemonaıha — Reseı Federatsııasynyń shekarasy» avtojolynyń eki ýchaskesinde qozǵalys shekteýleri kúshinde:
— 1089–1191 shaqyrymdar — Óskemennen Shemonaıhaǵa deıin;
— 1194–1212 shaqyrymdar — Shemonaıha qalasynan Reseı Federatsııasynyń shekarasyna deıin.
Shekteýler 20 qazanda saǵat 20:00–de aýa raıynyń nasharlaýyna, atap aıtqanda qar men kóktaıǵaqqa baılanysty engizilgen bolatyn. Júrgizýshilerge jolǵa shyqqan kezde aýa raıy men shekteýlerdi eskerý usynyldy.
Eske salaıyq, 21 qazannan bastap Qonaev — Taldyqorǵan avtojolynda ortasha jyldamdyq baqylanady.
