22 qazanda elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» Halyqaralyq aqparat agenttigi beısenbi kúni elordada ótetin mańyzdy sharalar ańdatpasyn usynady.
10.00-de Senattyń kezekti otyrysy ótedi. Otyrys palatanyń www.parlam.kz saıtynda onlaın rejımde kórsetiledi.
11.00-de Nur-Sultan qalasynyń Dostyq úıinde Qazaqstan halqy Assambleıasynyń memlekettik tildi damytýǵa arnalǵan «Uly Dalanyń ultaralyq tili» atty respýblıkalyq forýmy ótedi. Forýmǵa QHA Tóraǵasynyń orynbasary – hatshylyq meńgerýshisi J.Q.Túımebaev, QR Aqparat jáne qoǵamdyq damý mınıstrliginiń ókilderi, fılologııa men lıngvıstıka salasynyń sarapshylary, til janashyrlary, QHA músheleri men jastar uıymdary qatysady.
11.00-de Túrkııanyń Yntymaqtastyq jáne úılestirý agenttigi (TIKA) S.Seıfýllın atyndaǵy Qazaq agrotehnıkalyq ýnıversıtetine Qoı saýýǵa arnalǵan jyljymaly keshen júıesin tabystaıdy.
