22 qazan. QazAqparat kúntizbesi:
22 qazan. DÚISENBІ
Halyqaralyq mektep kitaphanalary kúni
ıÝNESKO bastamasymen 1999 jyldan bastap atap ótilip keledi. Alǵash ret ony Halyqaralyq mektep kitaphanalary qaýymdastyǵynyń prezıdenti Blansh Výllz jarııalady. 2005 jyly merekeniń resmı mártebesin osy uıymnyń jańa prezıdenti Pıter Djenko rastady.
Halyqaralyq kekesh adamdar kúni
Halyqaralyq kekesh adamdar qaýymdastyǵyn qoldaý maqsatynda 1995 jyly belgilendi.
ESTE QALAR OQIǴALAR
1915 jyly Semeıdiń temirjol vokzaly ashyldy. Semeı vokzalynyń tarıhy 1915 jyly qazanda Novonıkolaevtan alǵashqy poıyz kelgen kúnnen bastalady. Osy jyldar ishinde ol eki ret kúrdeli jóndeýden ótti. Óz tarıhynda mıllıondaǵan jolaýshyny qabyldap, shyǵaryp saldy.
1921 jyly Almatyda alǵashqy konkıshiler uıymy quryldy.
1993 jyly Ulan-Bator qalasynda Qazaqstan men Mońǵolııa arasyndaǵy dostyq qatynastary jáne yntymaqtastyq týraly shartqa qol qoıyldy.
1997 jyly Nıý-Iorkte BUU Bas Assambleıasynyń arnaıy mereıtoılyq sessııasy ótti. 50-shi sessııasy jumysynyń birinshi kúni otyrysta taıaý onjyldyqtaǵy BUU perspektıvalary men mindetteri týraly baǵdarlamalyq baıandamasymen QR Prezıdenti Nursultan Nazarbaev sóz sóıledi.
2001 jyly Pavlodar qalasynyń ortalyǵynda Máshhúr Júsip Kópeev atyndaǵy meshit ashyldy. Meshit ǵımaraty 48h48 metr. Bıiktigi 63 metr. Jarty aımen kúmbez bıiktigi 54 metr. Meshit ǵımaraty segiz buryshty juldyz nysanynda salynǵan, kúmbezi aspan tústes shańyraq tárizdi jasalǵan.
2003 jyly Qazaqstan Respýblıkasynyń Prezıdenti Nursultan Nazarbaevtyń Jarlyǵymen Qazaqstannyń jetekshi ǵalymdarynyń «QR Ulttyq ǵylym akademııasy» qoǵamdyq birlestigin qurý týraly bastamasy maquldandy.
22 qazanda ótken quryltaı sezinde «QR Ulttyq ǵylym akademııasy» qoǵamdyq birlestiginiń jarǵysy qabyldanyp, akademık Murat Jurynov onyń prezıdenti bolyp saılandy.
2004 jyly Saýd Arabııasy astanasy Ár-Rııad qalasynda «Názir Tórequlov - KSRO-nyń Saýd Arabııasy Koroldigindegi ókiletti tóraǵasy» atty kitaby jaryq kórdi. Kitap arab tilinde jazylǵan, oǵan N.Tórequlovtyń kúndeligi men hattary engen. Názir Tórequlov - 1928-1932 jyldary KSRO-nyń Saýd Arabııasyndaǵy dıplomatııalyq agenti jáne bas konsýly, 1932-1936 jyldary sol eldegi Keńes Odaǵynyń Tótenshe jáne Ókiletti Elshisi bolǵan. Onyń hattary men kúndelikterin oqı otyryp N.Tórequlovtyń óz qyzmetiniń mánin jaqsy meńgergen kórnekti qaıratker ekenin túsinýge bolady.
2007 jyly Astanada «Halal» standarty jónindegi halyqaralyq tehnıkalyq komıtet pen memleketaralyq keńes qurý týraly qujatqa qol qoıyldy. Oǵan Qazaqstannan tys, Qyrǵyzstan, Tatarstan jáne Malaızııa qosyldy. «Halal» standarty tazalyq pen qaýipsizdik talaptaryn saqtaý maqsatynda Qurannyń negizinde jasalady.
2009 jyly Elbasy Nursultan Nazarbaev Túrkııanyń joǵary memlekettik nagradasymen marapattaldy.
2012 jyly Kann qalasynda jyl saıynǵy «Cannes Corporate Media & TV Awards» halyqaralyq festıvalinde qazaqstandyq «Astana Expo 2017 «The Great Expectation of Kazakhstan» fılmi «Korporatıvtik fılm» sanatynda ekinshi oryn - kúmis delfındi jeńip aldy.
2013 jyly Ammanda «Qazaqstan-Iordanııa qarym-qatynasy: jıyrma jyl dostyq jáne jasampazdyq» atty kitap tanystyryldy. Arab jáne aǵylshyn tilderinde shyqqan basylymda eki el arasynda dıplomatııalyq qatynastardy ornatý, saıası, saýda-ekonomıkalyq jáne mádenı baılanystar týraly aıtylady.
2013 jyly Qazaqstanda jastar men jastar birlestikterine aqparattyq, quqyqtyq, konsaltıngtik, ádistemelik kómek kórsetetin jáne qajetti keńester beretin Respýblıkalyq jastar resýrstyq ortalyǵy (RJSO) jumysyn bastady.
2014 jyly Astanada EKSPO-2017 kórmesine halyqaralyq qatysýshylardyń jınalysy ótti. Jınalysqa álemniń ár túpkirinen EKSPO-2017 kórmesiniń áleýetti qatysýshylary jınaldy.
2014 jyly Astana álemniń 21 zııatker qalasynyń tizimine kirdi. Bul tizim jyl saıyn Zııatkerlik qoǵamdastyq forýmynda (AQSh) anyqtalady.
2014 jyly Germanııanyń Saksonııa-Angalt federaldyq jeriniń astanasy Magdebýrg qalasynda Qazaqstan Respýblıkasynyń ekonomıka kúni bolyp ótti, onda «Qazaqstan - 2050 Strategııasy: Qazaqstan ekonomıkasyn ındýstrııalandyrý aıasynda ınnovatsııalar jáne jańa tehnologııalar salasyndaǵy ekijaqty yntymaqtastyqtyń qazirgi ahýaly jáne damytý perspektıvasy» taqyrybynda sharalar ótti.
2015 jyly Qazaqstanda jasalǵan KIA Soul EV tuńǵysh elektrokar Qazaqstan Respýblıkasy Úkimeti apparatynyń ıeligine berildi. Elektr togymen júretin otandyq avtoóndiristiń alǵashqy modeli Óskemende qurastyryldy.
1938 jyly amerıkalyq ónertapqysh Chester Karlson qujattardyń kóshirmesin jasaıtyn qural oılap tapty. Eki jyldan keıin óz jańalyǵyna patent aldy. 1947 jyly bul quralǵa qyzyǵýshylar da tabyldy. 50-shi jyldary alǵashqy apparattar saýdaǵa tústi.
1962 jyly AQSh prezıdenti Djon Kennedı keńes zymyrandary tabylǵan Kýbaǵa áýeden jáne teńizden blokada jarııalaý týraly málimdeme jasady.
1991 jyly Lıýksembýrgte Eýropa qoǵamdastyǵy men Eýropa erkin saýda qaýymdastyǵy arasynda Eýropalyq ekonomıkalyq keńistik qurý týraly kelisimge qol qoıyldy.