22 qarashaǵa arnalǵan aýa raıy boljamy
ASTANA. 21 qarasha. QazAqparat - Qazaqstan Respýblıkasynda kólemdi antıtsıklon yqpalymen aýa raıy jaýyn-shashynsyz bolady dep kútilýde, keı jerlerde tuman túsip, kóktaıǵaq bolady, jel kúsheıedi dep boljanýda.
Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
Jambyl oblysynda keı jerlerde tuman túsedi dep kútilýde, jel 15-20 m/s-ke kúsheıedi. Soltústik Qazaqstan, Atyraý, kúndiz Batys Qazaqstan, Qyzylorda oblystarynda, túnde Mańǵystaý oblysynda keı jerlerde jeldiń jyldamdyǵy 15-20 m/s-ke jetedi. Ońtústik Qazaqstan oblysynyń birqatar aımaqtarynda túnde tuman túsedi, kúndiz jel 15-20 m/s-ke kúsheıedi. Almaty oblysynda keı jerlerde kóktaıǵaq bolady. Túnde jáne tańerteń Qaraǵandy oblysynyń jekelegen aýdandarynda tuman túsýi yqtımal.
Aldaǵy táýlikte Qyzylorda oblysynyń ońtústik aýmaǵynda Syrdarııa ózeninde sý kóleminiń ulǵaıýy jalǵasady. Shemonaıha (ShQO) aýdanyndaǵy Oba ózeninde ótken sý tasqynynyń tolqyny taralýy esebinen sý deńgeıiniń kóterilýi kútilýde. Qazaqstannyń kóptegen ózenderinde sý beti ári qaraı salqyndaıdy, sotlústik oblystardyń jáne respýblıkanyń ońtústik-shyǵysynyń jekelegen ózenderinde muz qalyptasý úrdisi kútilýde.
