22 qarashada qar jaýyp, kóktaıǵaq bolady: sınoptıkter eskertý jarııalady

ASTANA. KAZINFORM – Qazgıdromet 22 qarashada aýa raıyna baılanysty eskertý jarııalady.

Sınoptıkterdiń boljamy boıynsha, Astanada jáne on bes óńirde tuman túsip, kóktaıǵaq bolady, burqasyn soǵady, 15-20 m/s jyldamdyqpen jel soǵady. Keıbir jerlerde jaýyn-shashyn bolady.

Astanada kóktaıǵaq bolady. Túnde jáne tańerteń tuman túsedi.

Aqmola oblysynda tuman túsip, kóktaıǵaq bolady. Kúndiz 15-20 m/s jyldamdyqpen jel soǵady.

Qostanaı oblysynyń batysynda jáne soltústiginde kóktaıǵaq bolady. Tuman túsedi, 15–20 m/s jyldamdyqpen jel soǵady.

Jetisý oblysynda taýly aýdandarda túnde jáne tańerteń tuman túsedi. Shyǵysynda 15–20 m/s jyldamdyqpen jel soǵady.

Pavlodar oblysynyń soltústigi men shyǵysynda kóktaıǵaq bolady. Tuman túsedi, jaıaý burqasyn soǵady.

Batys Qazaqstan oblysynda túnde jáne tańerteń tuman túsedi. Oralda da tuman túsedi.

Túrkistan oblysynyń soltústigi, batysy jáne taýly aýdandarynda túnde jáne tańerteń tuman túsedi.

Atyraý oblysynda túnde jáne tańerteń tuman túsedi.

Aqtóbe oblysynda túnde jáne tańerteń tuman bolady.

Qyzylorda oblysynyń soltústigi men ortalyǵynda túnde jáne tańerteń tuman túsedi.

Soltústik Qazaqstan oblysynda kúndiz kóktaıǵaq bolady, jaıaý burqasyn soǵady. Tuman túsedi, 15–20 m/s jyldamdyqpen jel soǵady.

Ulytaý oblysynda túnde kóktaıǵaq bolady. Túnde jáne tańerteń tuman túsedi.

Qaraǵandy oblysynda túnde jáne tańerteń tuman túsedi. Keı aýdandarynda kóktaıǵaq bolady.

Shyǵys Qazaqstan oblysynda túnde jańbyr,qar jaýady. Túnde jaıaý burqasyn soǵady, kóktaıǵaq bolady. 15–20 m/s jyldamdyqpen jel soǵady.

Abaı oblysynda túnde jańbyr, qar jaýady. Ońtústiginde qatty jaýyn-shashyn túsedi. Tuman túsedi, kóktaıǵaq bolady, jaıaý burqasyn soǵady.

Jambyl oblysynyń ońtústigi men taýly aýdandarynda tuman túsedi. Kúndiz 15–20 m/s jyldamdyqpen jel soǵady.

Aıta keteıik, Batys Qazaqstan oblysynda aýa raıyna baılanysty kólik qozǵalysyna shekteý qoıyldy.