22 qarashada bes bala ystan ýlandy
NUR-SULTAN. QazAqparat - 22 qarasha kúni Almaty jáne Soltústik Qazaqstan oblystarynda 6 adam, sonyń ishinde 5 bala ystan ýlandy. Bul týraly QR ІІM Tótenshe jaǵdaılar komıtetinen málim etti, dep habarlaıdy QazAqparat.
Almaty oblysynyń Talǵar qalasynda ekiqabatty kóppáterli turǵyn úıde kómir jaǵylatyn peshti paıdalaný erejelerin saqtamaý (murjasy tazalanbaǵan) saldarynan 9, 6, 4 jáne 2 jastaǵy balalar kómirqyshqyl gazyna ýlanyp, aýrýhanaǵa tústi. Olar dárigerlerdiń baqylaýynda.
Al SQO Tımırıazev aýdanynyń Sýly temirjol stantsııasynda jeke turǵyn úıde peshti paıdalaný erejesiniń saqtalmaýynan 34 jastaǵy áıel men onyń 11 jastaǵy qyzy ysty gazdan ýlanyp, kúıik shalǵan.
ІІM Tótenshe jaǵdaılar komıteti azamattarǵa peshke ot jaǵý erejelerin qatań saqtaýǵa keńes beredi. Ári peshtiń dál janynda otyn, kıim jáne basqa da janǵysh materıaldardy keptirmeýge, peshti shamadan tys qatty qyzdyrmaýǵa jáne qaraýsyz qaldyrmaýǵa, peshti jáne murjany únemi baqylap, kem degende úsh aıda bir ret tazalap otyrýǵa shaqyrady.
