22 qańtar. Týǵan kún ıeleri
ESІMDER
87 jyl buryn (1932-2013) Qazaqstannyń eńbek sińirgen qaıratkeri, kórnekti aqyn Kákimbek Salyquly SALYQOV dúnıege keldi.
Soltústik Qazaqstan oblysy Shal aqyn aýdany Eńbek aýylynda týǵan. 1955 jyly Máskeýdiń tústi metallýrgııa jáne altyn ınstıtýtyn bitirgennen keıin Jezqazǵan kenishinde ken sheberi bolyp eńbek jolyn bastaǵan. KSRO Joǵarǵy keńesiniń ekologııa jónindegi komıtetiniń basshysy laýazymyna deıin kóterildi. Kóp jyldar Keńes odaǵy Joǵarǵy keńesiniń prezıdıým múshesi boldy. Alǵashqy óleńder jınaǵy «Syr» 1977 jyly jaryq kórdi. Sol jyly «Jezkıik» atty jyr jınaǵy orys tiline aýdarylyp jarııalandy. 1981 jyly «Qyrǵyzstan» baspasy onyń «Nurly kúnder» kitabyn qyrǵyz tilinde, 1983 jyly Ǵafýr Ǵýlam baspasy «Jezkıik» jınaǵyn ózbek tilinde shyǵardy. «Býketovke rekvıem», «Edelveıs», «Ǵasyrǵa teń bir mezet», «Che Gevara» atty poemalary orys tiline aýdaryldy. K.Salyqov - «Dala», «Qyran-dar», «Gákký», «Jezkıik», «Eńlikgúl», «Táttimbet», «Dombyra», «Qaraqalpaq», «Kenesarynyń sońǵy sózi» sekildi kóptegen poemalardyń avtory. Sońǵy jyldary onyń «Oıtolǵaq» (2001), «Syrǵaly sonetter» (2001), «Kúzgi shýaq» (2004), «Kúzgi saryn» (2005), «Sensiń el danasy» (2006), «Álemniń segizinshi ǵalamaty» (2006), «Maǵjanǵa taǵzym» (2008) kitaptary jaryq kórdi. V.V.Maıakovskııdiń «V.I.Lenın» poemasyn, A.S.Pýshkınniń óleńmen jazylǵan «Evgenıı Onegın» romanyn, M.ıÝ.Lermontovtyń, ıÝ. P. Polonskııdiń, R.Ǵamzatovtyń, Aldan-Semenovtyń, S.Norovchatovtyń, V.Savelevtiń, ıA.Kolastyń, M.Lvovtyń, mońǵol jáne ózbek aqyndarynyń óleńderin qazaq tiline aýdardy. B.Jumanııazov, N.Tilendıev, Á.Beıseýov, E.Hasanǵalıev sııaqty kompozıtorlar aqynnyń kóptegen óleńderine án shyǵardy. «Jezkıik», «Saǵynysh», «Aqqý áni», «Úsh arys», «Bir aýyz sóz», «Oqjetpes», «Kókshetaý», «Jambyl ata» syndy týyndylary halyq ánine aınalyp ketti. Qazaq KSR Joǵarǵy Keńesine úsh márte (IX, X, XI) depýtat bolyp saılanǵan. KSRO Joǵarǵy Keńesiniń depýtaty. «Qazaqstannyń eńbek sińirgen qaıratkeri» qurmetti ataǵynyń ıegeri (2001), Halyqaralyq Q.Sátbaev qorynyń prezıdenti, Qazaqstan Respýblıkasy «Ekologııa» akademııasynyń akademıgi. Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.
51 jyl buryn (1968) Batys Qazaqstan oblysy Tótenshe jaǵdaılar departamentiniń bastyǵy Jasulan Qydyrqojauly JUMAShEV dúnıege keldi.
BQO Aqjaıyq aýdany Taıpaq aýylynda dúnıege kelgen.
Bilimi áskerı joǵary, 1990 jyly Novocherkassk joǵary áskerı komandalyq Qyzyl Týly baılanys ýchılışesin támamdaǵan. 2003 jyly QR Qarýly kúshteriniń Áskerı akademııasyn úzdik bitirdi.
1986 jylǵy tamyzdan áskerı qyzmette. 1990 jyldan bastap túrli áskerı laýazymdardy atqardy. 2004 jyldan - Qazaqstan Respýblıkasy Respýblıkalyq ulan qolbasshysynyń apparat basshysy. 2005 jylǵy naýryzdan - BQO TJ departamentiniń bastyǵy. 2008 jylǵy naýryzdan - Atyraý oblysy TJ departamentiniń bastyǵy. 2011 jylǵy naýryzdan - QR Tótenshe jaǵdaılar mınıstrligi Aqparattandyrý jáne baılanys departamentiniń dırektory. 2012 jylǵy qyrkúıekten - QR TJ mınıstrligi Azamattyq qorǵanys departamentiniń dırektory. 2014 jylǵy qazannan QR Іshki ister mınıstrligi TJ komıteti tóraǵasynyń orynbasary boldy.
Qazirgi qyzmetinde - 2016 jyldyń qyrkúıeginen.
50 jyl buryn (1969) Qazaqstan Respýblıkasy Memlekettik kúzet qyzmeti bastyǵynyń orynbasary Ázimhan Álıhanuly JÚSІPOV dúnıege keldi.
Almaty qalasynda týǵan. 1987 jyldan 1989 jylǵa deıin KSRO Qarýly Kúshteriniń qatarynda merzimdi áskerı qyzmet ótkergen. Ál-Farabı atyndaǵy Qazaq memlekettik ulttyq ýnıversıtetiniń «quqyqtaný» mamandyǵy boıynsha túlegi. «Áskerı istegi strategııalyq menedjment» (Jedel-strategııalyq deńgeıdegi basqarý baǵyty) mamandyǵy boıynsha Áskerı is jáne qaýipsizdik magıstri.
1994 jyly Qazaqstan Respýblıkasy Ulttyq qaýipsizdik komıtetiniń organdaryna qabyldandy. Qyzmet jolynda ulttyq qaýipsizdik organdarynda kishi jedel ýákili laýazymynan bastap, túrli bólimshelerdiń basshysy retinde qyzmet atqardy. 2001 jyldan Qazaqstan Respýblıkasy Prezıdenti Kúzet qyzmetinde túrli qurylymdyq bólinisterge basshylyq etti.
2017 jylǵy mamyrda Qazaqstan Respýblıkasy Prezıdentiniń ókimimen Qazaqstan Respýblıkasy Memlekettik kúzet qyzmeti bastyǵynyń orynbasary bolyp taǵaıyndaldy.
QR Prezıdentiniń Jarlyǵymen 3 memlekettik nagradamen - І jáne ІІ dárejeli «Aıbyn» ordenimen (2010 j., 2016 j.) jáne «Jaýyngerlik erligi úshin» medalimen (2005 j.) marapattalǵan. 12 vedomstvolyq jáne mereıtoılyq medaldarmen, sondaı-aq «Elbasy qorǵany» tós belgisimen marapattalǵan. QR UQK qurmetti qyzmetkeri.
45 jyl buryn (1974) «Habar» agenttigi» AQ basqarma tóraǵasy Alan Ǵazızuly ÁJІBAEV dúnıege keldi.
Almaty qalasynda dúnıege kelgen. 1996 jyly Abaı atyndaǵy Almaty memlekettik ýnıversıtetin támamdaǵan.
1994 jyldyń tamyzynan 1995 jyldyń qyrkúıegi aralyǵyna - «Maks» teleradıokompanııasy, radıojúrgizýshi. 1995 jyldyń qyrkúıeginen 1997 jyldyń tamyzy aralyǵynda - «31 arna» Teleradıokompanııasy», tele-, radıojúrgizýshi. 1997 jyldyń qyrkúıeginen 1998 jyldyń qyrkúıegi aralyǵynda - «City» Teleradıokompanııasy» JShS baǵdarlamalyq dırektory. 1999 jyldyń aqpanynan 1999 jyldyń qyrkúıegi aralyǵynda - «Radıo Karavan» dırektory. Keıinirek jeke kásipkerlikpen aınalysqan. 2008 jyldyń aqpanynan 2010 jyldyń qańtary aralyǵynda - «Tań» Teleradıokompanııasy» JShS bas prodıýseri. 2009 jyldyń jeltoqsanynan 2012 jyldyń mamyry aralyǵynda «Radıo «Tengrı FM» bas prodıýseri. 2012 jyldyń maýsymynan 2014 jyldyń qańtary aralyǵynda «SKYMAX MEDIA» bas dırektory. 2014 jyldyń aqpanynan 2016 jyldyń tamyzy aralyǵynda «Aıqyn» jáne «Lıter»qoǵamdyq-saıası gazetteriniń dırektory. 2016 jyldyń 19 tamyzynda Qazaqstan Respýblıkasy Aqparat jáne kommýnıkatsııalar vıtse-mınıstri bolyp taǵaıyndaldy.
Qazirgi qyzmetinde - 2018 jyldyń mamyrynan.