22 qańtar kúni Qazaqstanda bolatyn mańyzdy sharalar

NUR-SULTAN

10.00-de Qazaqstan Respýblıkasy Parlamenti Májilisiniń jalpy otyrysy.

10.00-de QR Parlamenti Senatynyń Áleýmettik-mádenı damý jáne ǵylym komıteti músheleriniń «SK-Farmatsııa» JShS basshylyǵymen tegin medıtsınalyq kómektiń kepildendirilgen kólemi aıasynda jáne mindetti áleýmettik medıtsınalyq saqtandyrý júıesinde jumys isteıtin biryńǵaı dıstrıbıýtor retindegi jumysynyń tıimdiligi týraly otyrysy ótedi.

10.00-de S.Seıfýllın atyndaǵy Qazaq agrotehnıkalyq ýnıversıtetiniń májilis zalynda «Agrobıznesti damytýdyń qazirgi memlekettik baǵdarlamasyn synǵa alamyz ba nemese ony júzege asyrýshylarmen yntymaqtastyq jasaısyz ba?» iskerlik keńesi ótedi.

11.00-de «Jolaýshylar tasymaly» AQ bas dırektory M.Kortıýmniń qatysýymen kúrdeli jóndeýden ótken vagondardyń tanystyrylymy ótedi.

11.00-de Sybaılas jemqorlyqqa qarsy is-qımyl agenttiginiń ǵımaratynda agenttiktiń respýblıkalyq jáne óńirlik aqparattyq-aǵartýshylyq shtabtarynyń qyzmeti boıynsha keńes ótedi.

15.00-de «Nur Otan» partııasy janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysy ótedi. Taqyryby: «Nátıjeli jumyspen qamtýdyń jáne kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn júzege asyrý kezinde oryn alǵan sybaılas jemqorlyq quqyq buzýshylyqtar».

16.00-de Sybaılas jemqorlyqqa qarsy is-qımyl agenttiginiń Qazaqstan Respýblıkasy aýyl sharýashylyǵy mınıstrliginiń agroónerkásiptik keshendegi memlekettik ınspektsııa Komıtetimen birlesken keńesi ótedi.

ALMATY

11.00-de «Interfaks-Qazaqstan» agenttiginiń baspasóz ortalyǵynda Almatydaǵy Taekvondo federatsııasy (WT) qoǵamdyq birlestiginiń prezıdenti laýazymyna saılaý protsesine baılanysty oryn alǵan jaǵdaıǵa baılanysty baspasóz konferentsııasy ótedi.

11.00-de Qazaqstan Respýblıkasynyń Ulttyq kitaphanasynda Qazaqstannyń eńbek sińirgen ártisi Esbolǵan Jaısanbaevtyń 80 jyldyǵyna arnalǵan eske alý keshi ótedi.

11.00-de «Azamattarǵa arnalǵan úkimet» Memlekettik korporatsııasy» kommertsııalyq emes aktsıonerlik qoǵamynyń Almaty qalasyndaǵy fılıalynda 2019 jyldyń qorytyndysy týraly brıfıng ótedi. Taqyryby: Jyl qorytyndysy jáne osy saladaǵy jumys - «Azamattarǵa arnalǵan úkimet» Memlekettik korporatsııasy» kommertsııalyq emes aktsıonerlik qoǵamynyń Almaty qalasyndaǵy fılıalyn tsıfrlandyrý.

16.00-de Novotel Almaty City Center qonaq úıinde Ortalyq Azııadaǵy avıakompanııalardyń birinshi jetekshileri, IATA jáne IOSA músheleriniń dóńgelek ústeliniń qorytyndysy boıynsha baspasóz konferentsııasy ótedi. Dóńgelek ústel aımaqtaǵy avıatsııa salasynyń ekonomıkalyq perspektıvalaryn sholýǵa, sondaı-aq Eýropalyq Odaqtyń áýe qozǵalysy strategııasy men normatıvtik-quqyqtyq bazasy, áýejaı salyǵy jáne API-PNR (jolaýshylarǵa arnalǵan aldyn-ala derekter (API) jáne jolaýshylardy brondaý (PNR) derekteri) sııaqty birqatar máselelerdi talqylaýǵa arnalady.