22 aqpanǵa arnalǵan aýa raıy boljamy
ASTANA. QazAqparat - Qazaqstannyń basym bóliginde atmosferalyq aǵyndardyń ótýine baılanysty aýa raıy turaqsyz bolady. Keı jerlerde qar túsip, jel kúsheıip, boran soǵyp, jer kóktaıǵaq bolady, tuman túsýi yqtımal, dep habarlaıdy «Qazgıdromet».
Qaraǵandy oblysynda 15-20 m/s deıin jel kúsheıedi, keı jerlerde jel ekpini 25 m/s deıin jetedi. ShQO-da boran soǵady, jeldiń kúshi 17-22 m/s quraıdy. Jambyl, OQO, Qyzylorda, Atyraý oblystarynyń keı jerlerinde tuman túsedi, kóktaıǵaq bolady, jel 15-23 m/s deıin kúsheıe túsedi. Aqmola, Aqtóbe oblystarynyń keıbir jerlerinde boran soǵyp, tumen túsedi dep kútilýde, jeldiń kúshi 15-20 m/s jetedi. SQO, Pavlodar oblystarynda boran soǵady. Qostanaı oblysynda kúndiz keı jerlerde jel kúsheıdi, túnde jaıaý borasyn soǵady. Almaty oblysynda tuman túsedi. Mańǵystaý oblysynyń keı jerlerinde tuman túsip, jerdi muz basýy yqtımal. Aldaǵy úsh kúnde ońtústik, ońtústik-shyǵys jáne shyǵys óńirlerde sý deńgeıiniń terbelýi baıqalady. Syrdarııa ózeninde aýa temperatýrasynyń tómendeýine baılanysty muz qatyp, sý deńgeıi terbelýi múmkin.
