22 aqpandaǵy mıtıng kezinde birneshe qalada 53 adam ustaldy - ІІM
NUR-SULTAN. QazAqparat – Іshki ister mınıstri Erlan Turǵymbaev osy jyldyń 22 aqpanynda birneshe qalada bolǵan mıtıng kezinde 53 adamnyń ustalǵanyn málim etti, dep habarlaıdy QazAqparat tilshisi.
«22 aqpanda Bas prokýratýranyń birneshe márte jasaǵan eskertýine qaramastan keı azamattar sanktsııalanbaǵan mıtıngige shyqty. Sol sebepti quqyq qorǵaý organdarynyń kúshimen qoǵamdyq tártipti buzýǵa jol bermeý sharalary qabyldandy. 53 adam ustaldy. Onyń 10-y ákimshilik jaýapkershilikke tartyldy. 43 azamat profılaktıkalyq tildesýden keıin úıine qaıtaryldy», - dedi Erlan Turǵymbaev Úkimet otyrysynan keıin tilshilerge.
Mınıstrdiń aıtýynsha, ustalǵandardyń kóbi Nur-Sultan jáne Almaty qalalarynan bolyp otyr.
