22 aqpanda elimizde ótetin mańyzdy sharalar ańdatpasy

NUR-SULTAN

9.00-de PrimeMinister.kz saıtynda Úkimet otyrysy ótedi. Kún tártibinde sanıtarııalyq-epıdemıologııalyq jaǵdaı, ortalyq jáne jergilikti atqarýshy organdardyń 2022 jylǵy sý tasqyny kezeńine daıyndyǵy jáne kedendik ákimshilendirýdi jetildirý máseleleri qaralady. Úkimet otyrysynyń qorytyndysy boıynsha, QR Tótenshe jaǵdaılar mınıstri ıÝ. Ilınniń, Ekologııa, geologııa jáne tabıǵı resýrstar mınıstri S. Brekeshevtiń, Indýstrııa jáne ınfraqurylymdyq damý mınıstri Q. Óskenbaevtyń qatysýymen baspasóz konferentsııasy ótedi.

10.00-de Sheraton Nur-Sultan qonaq úıinde QR Mádenıet jáne sport mınıstrliginiń týrızm salasy boıynsha keńeıtilgen alqa otyrysy ótedi.

Otyrysqa QR Prezıdenti Ákimshiligi, QR Parlamenti, QR Úkimetiniń ókilderi, mınıstrliktiń qoǵamdyq keńesiniń músheleri, «Kazakh Tourism» ulttyq kompanııasy» AQ, oblystyq týrızm basqarmalarynyń basshylary, bıznes jáne týrıstik qoǵamdastyq ókilderi qatysady.

11.00-de oflaın jáne onlaın rejımde QR Memlekettik qyzmet isteri agenttiginiń alqa otyrysy ótedi.

Shara barysynda agenttiktiń 2021 jylǵy atqarǵan jumystarynyń qorytyndysy shyǵarylady.

Alqa otyrysynyń onlaın translıatsııasy agenttiktiń Youtube arnasynda kórsetiledi.

11.00-de «Esil» aýdanynyń polıtsııa basqarmasynda «Páter ıeleri kooperatıvimen, qyzmet kórsetetin uıymdarmen jáne kóppáterli úı turǵyndarynyń chattarymen ózara is-qımyl boıynsha jumys» taqyrybynda brıfıng ótedi.

16.30-da QR Prezıdenti janyndaǵy ortalyq kommýnıkatsııalar qyzmetinde «Jańa Qazaqstandy qurý jaǵdaıynda qoǵamdyq kelisim men qoǵamdyq-saıası ózgeristerdiń tıimdi formatyn qalyptastyrý» taqyrybynda sarapshylar kezdesýi ótedi.

Kezdesýge QR AQDM azamattyq qoǵam isteri komıtetiniń tóraǵasy Madııar Qojahmet; «Talap» qoldanbaly zertteýler ortalyǵynyń dırektory Rahym Oshaqbaev; «Rýhanı jańǵyrý» qoǵamdyq zertteýler ortalyǵynyń jetekshisi Qazbek Maıgeldınov; Qazaqstan Azamattyq Alıansy ZTB prezıdenti Baný Nurǵazıeva; Eýropalyq quqyq jáne adam quqyqtary saraptamalyq ınstıtýtynyń dırektory Marat Báshimov; «Ekologııalyq uıymdar Qaýymdastyǵy» ZTB tóraıymy, QR Sybaılas jemqorlyqqa qarsy strategııasynyń iske asyrylýyn syrtqy taldaý men baǵalaýdyń arnaıy monıtorıngtik tobynyń jetekshisi Aıgúl Soloveva; Prezıdenttik Jastar kadrlyq rezerviniń múshesi, Jastar ǵylymı-zertteý ortalyǵy dırektorynyń orynbasary Elına Paýlı qatysady.

Kórsetilim siltemeleri: Youtube, Facebook.

ALMATY

10.00-de Rahat Palace qonaq úıinde «Megapolıs ómiri men ekonomıkasyn qalpyna keltirý keleshegi» taqyrybynda Women in Business forýmy bastalady.

11.00-de Almatydaǵy Májıt Begalın atyndaǵy №120 mektep-gımzanııasynda ataqty rejısserdiń 100 jyldyq mereıtoıyna arnalǵan merekelik kontsert ótedi.