22 aqpanda eldegi qaı joldarda qozǵalys tártibi ózgerdi

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, aýa raıynyń qolaısyzdyǵyna baılanysty tómendegi ýchaskelerde qozǵalys shekteldi:

Aqtóbe oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojoly, 776-965-shaqyrym (Aqtóbe qalasy – Qarabutaq aýyly);
• osy avtojoldyń 965-1153-shaqyrym aralyǵy (Qarabutaq kenti – Yrǵyz aýyly);
• «Aqtóbe – Qandyaǵash – Dossor – Atyraý – RF shekarasy (Qurmanǵazy beketi)» avtojoly, 11-337-shaqyrym (Aqtóbe qalasy – Atyraý oblysynyń shekarasy).

Atyraý oblysy

• «Aqtóbe – Qandyaǵash – Dossor – Atyraý – RF shekarasy (Qurmanǵazy beketi)» avtojoly, 337-346-shaqyrym (Aqtóbe oblysynyń shekarasy – Saǵyz aýyly).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.

Abaı oblysy

• «Taskesken – Baqty – QHR shekarasy (Baqty beketi)» avtojoly, 0-75-shaqyrym (Taskesken aýylyna burylys – «Almaty – Óskemen» avtojolynan Úrjar aýylyna deıin).

Shyǵys Qazaqstan oblysy

• «Almaty – Taldyqorǵan – Óskemen – Shemonaıha – RF shekarasy» avtojoly, 1013-1062-shaqyrym (Abaı oblysynyń shekarasy – «Rýbej» beketi).

Sonymen qatar Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, buǵan deıin Abaı jáne Jetisý oblystarynda jol ashylǵanyn habarlǵanbyz.