22 aqpan. Tulǵalar týǵan kún
Búgin, 22 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1962) «Biryńǵaı jınaqtaýshy zeınetaqy qory» AQ basqarma tóraǵasy Janat Bostanuly QURMANOV dúnıege kelgen.
Qaraǵandy qalasynda týǵan. 1985 jyly S. M. Kırov atyndaǵy Qazaq memlekettik ýnıversıtetin fızıka mamandyǵy boıynsha aıaqtady. 1996 jyly Máskeý qalasynda Ekonomıka, menedjment jáne quqyq ınstıtýtyn ekonomıst mamandyǵy (mamandanýy — bank isi) boıynsha támámdady. 2017 jyly bıznes mekteptiń baǵdarlamasy boıynsha dıplom qorǵap, Oksford ýnıversıtetin bitirdi.
Eńbek jolyn 1985 jyly QazKSR ǴA ıAdrolyq fızıka ınstıtýtynda ınjener bolyp bastady. 1988-1996 jyldary Birlesken ıadrolyq zertteýler ınstıtýtynda (Dýbna, Reseı Federatsııasy) jumys istedi. 1994-1995 jyldary Pensılvanııa shtatynyń (AQSh) ýnıversıtetinde jumys istedi. 1996 jyly fızıka-matematıka ǵylymdarynyń kandıdaty ǵylymı dárejesin aldy. 1996 jyldan bastap Qazaqstan Respýblıkasynyń qarjy naryǵynda jumys isteıdi. 1996-1999 jyldary «KBS» JÚAQ-ta qarjylyq basqarma bastyǵy, qarjy jónindegi vıtse-prezıdent, jobalardy basqarýshy bolyp jumys istedi. 1999-2002 jyldary QR Ulttyq bankiniń saqtandyrýdy qadaǵalaý departamentinde jáne bankterdi jáne saqtandyrýdy qadaǵalaý departamentinde basshy laýazymdar atqardy. 2002-2007 jyldary «MJZQ» jınaqtaýshy zeınetaqy qory» AQ bas dırektory, bas dırektorynyń orynbasary bolyp jumys istedi. 2012 jylǵy mamyrdan bastap — «Qazaqstan qor bırjasy» AQ dırektorlar keńesiniń tóraǵasy. 2016-2017 jyldary QR Ulttyq bankiniń saqtandyrý qadaǵalaý departamentine, banktik emes qarjy uıymdaryn retteý departamentine basshylyq etti. 2017-2019 jyldary QR Ulttyq banki tóraǵasynyń orynbasary bolǵan.
Qazirgi laýazymyn 2019 jylǵy naýryzdan beri atqaryp keledi.
48 jyl buryn (1978) Qazaqstan Respýblıkasy Básekelestikti qorǵaý jáne damytý agenttigi tóraǵasynyń birinshi orynbasary Rýstam Nurlanuly AHMETOV dúnıege keldi.
Qaraǵandy oblysy Temirtaý qalasynda týǵan. 1999 jyly Qazaq memlekettik zań ýnıversıtetin bitirgen.
Eńbek joly: 1999-2001 jyldary QR Memlekettik kirister mınıstrliginiń kinárat-qýynym jumysy bóliminiń jetekshi mamany, 2001-2007 jyldary QR Prezıdent Ákimshiliginiń memlekettik-quqyqtyq bóliminiń aǵa referenti, 2007 jyly QR premer-mınıstriniń orynbasary A. E. Mýsınniń keńesshisi. 2007-2008 jyldary QR Parlament Májilisi tóraǵasynyń hatshylyǵy meńgerýshisi. 2008-2011 jyldary QR Prezıdent Ákimshiliginiń memlekettik-quqyqtyq bólim meńgerýshisiniń orynbasary bolyp qyzmet atqarǵan. 2011-2014 jyldary QR Tabıǵı monopolııalardy retteý agenttiginiń jaýapty hatshysy, 2014-2019 jyldary QR UEM Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary, 2019-2020 jyldary Ulttyq ekonomıka mınıstrliginiń básekelestikti qorǵaý jáne damytý komıteti tóraǵasy qyzmetinde boldy.
Qazirgi qyzmetin 2020 jyldyń qazan aıynan beri atqaryp keledi.
47 jyl buryn (1979) Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary Álı Saparǵalıuly ALTYNBAEV dúnıege keldi.
Almaty oblysynda týǵan. Qazaq memlekettik basqarý akademııasyn bitirgen (2000); Turan ýnıversıteti (2015).
Eńbek joly: 2001 jyly Salyq komıtetiniń Esik qalasy, Eńbekshiqazaq oblysy boıynsha janama salyqtar basqarmasy salyq ınspektorynyń mindetin atqarýshy, 2001-2002 jyldary Salyq komıtetiniń Esik qalasy, Eńbekshiqazaq oblysy boıynsha janama salyqtar basqarmasynyń salyq ınspektory, 2002-2005 jyldary Salyq komıtetiniń Eńbekshiqazaq oblysy boıynsha tekserý basqarmasynyń salyq ınspektory, 2005-2007 jyldary Salyq komıtetiniń Eńbekshiqazaq aýdany boıynsha aýdıt basqarmasynyń jetekshi salyq ınspektory, 2007 jyly Salyq komıtetiniń Eńbekshiqazaq oblysy boıynsha tekserý basqarmasynyń bas salyq ınspektory, 2007-2008 jyldary Salyq komıtetiniń Eńbekshiqazaq oblysy boıynsha janama salyqtar basqarmasynyń basshysy bolyp qyzmet atqardy. 2008-2009 jyldary Eńbekshiqazaq oblysy boıynsha Salyq basqarmasynyń aýdıt bóliminiń bastyǵy, 2009-2010 jyldary Almaty oblysy boıynsha Salyq departamentiniń Taldyqorǵan qalasy boıynsha Salyq aýdıti basqarmasynyń zańdy tulǵalardyń aýdıti bóliminiń bastyǵy, 2010 jyly Almaty qalasy Túrksib aýdany boıynsha Salyq basqarmasynyń jeke kásipkerlerdiń aqparatyn qabyldaý jáne óńdeý ortalyǵy bóliminiń basshysy, sol jyly Almaty qalasy boıynsha Salyq departamentiniń Jetisý aýdany boıynsha Salyq basqarmasynyń Kedendik odaq sheńberindegi janama salyqtardy ákimshilendirý bóliminiń bastyǵy, 2010-2011 jyldary Almaty qalasy boıynsha Salyq departamentiniń QQS ákimshilendirý basqarmasynyń bastyǵy qyzmetinde boldy. 2011-2012 jyldary Almaty qalasy boıynsha Salyq departamentiniń Salyq aýdıti basqarmasynyń bastyǵy, 2012-2013 jyldary Almaty qalasy boıynsha Salyq departamentiniń Bostandyq aýdany boıynsha Salyq basqarmasy basshysynyń orynbasary, 2013-2014 jyldary Almaty qalasy boıynsha Salyq departamentiniń Bostandyq aýdany boıynsha Salyq basqarmasy basshysynyń orynbasary, 2014-2015 jyldary Kameraldyq baqylaý departamentiniń Almaty qalasy boıynsha Memlekettik kirister departamentiniń basshysy, 2015 jyly Almaty qalasy boıynsha Memlekettik kirister departamentiniń Aýdıt basqarmasynyń basshysy, 2015-2017 jyldary Almaty qalasy Alataý aýdany boıynsha Memlekettik kirister basqarmasynyń basshysy, 2017-2019 jyldary Almaty qalasy Naýryzbaı aýdany boıynsha Memlekettik kirister basqarmasynyń basshysy, 2019-2020 jyldary QR Qarjy mınıstrligi Memlekettik kirister komıtetiniń Almaty qalasy boıynsha Memlekettik kirister departamenti basshysynyń orynbasary, 2020-2021 jyldary Almaty qalasy boıynsha Ekonomıkalyq tergeý basqarmasynyń bastyǵy, 2021-2022 jyldary QR Qarjy mınıstrligi Memlekettik kirister komıtetiniń tóraǵasy, 2022-2024 jyldary QR Ulttyq qaýipsizdik komıteti tóraǵasynyń orynbasary laýazymyn atqarǵan.
2024 jyldyń qyrkúıek aıynan bastap qazirgi qyzmetinde.
38 jyl buryn (1988) Qazaqstan tájikteriniń respýblıkalyq etnomádenı ortalyǵynyń tóraǵasy Aqbarjon ıAhııaqojauly ISMAILOV dúnıege keldi.
Ońtústik Qazaqstan oblysy Maqtaaral aýdanynda týǵan. 2012 jyly Saýd Arabııasynyń Medına qalasyndaǵy Arab tili ınstıtýtyn, 2017 jyly Islam ýnıversıtetiniń Islam quqyqtaný fakýltetin bitirgen.
Eńbek joly: 2017-2022 jyldary «Astana-SOMONIEN» etnomádenı ortalyǵynyń tóraǵasy boldy. 2020 jyly «SAW571-GROUP» kompanııalarynyń quryltaıshysy jáne bas dırektory, 2022 jyly «571SAW-GROUP» kompanııalarynyń quryltaıshysy jáne bas dırektory, 2022 jyldan bastap Astana qalasyndaǵy «Jastar Assambleıasy» RQB tóraǵasynyń orynbasary, 2023 jylǵy 10 aqpannan bastap Almaty qalasy «Atameken» palatasy tóraǵasynyń keńesshisi qyzmetin atqaryp keledi. 2023-2024 jyldary Qazaqstan halqy Assambleıasy tóraǵasynyń orynbasary bolyp qyzmet etti.
37 jyl buryn (1989) Ulytaý oblysy Ádilet departamentiniń basshysy Azamat Ábdikárimuly AINABEKOV dúnıege keldi.
Ońtústik Qazaqstan oblysy Saryaǵash aýdanynda týǵan. 2006 jyly Eýrazııalyq zań kolledjin, 2009 jyly Qazaq gýmanıtarlyq-zań ýnıversıtetin, 2016 jyly Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen.
Eńbek joly: 2007-2013 jyldary Astana aýdandyq sotynyń sot prıstavy bolyp jumys istedi, 2013-2017 jyldary ádilet organdarynda qyzmet etti, 2017-2019 jyldary QR Parlamenti Májilisiniń Apparaty zańnama jáne sot-quqyqtyq reforma komıtetiniń qyzmetin qamtamasyz etý bóliminiń kómekshisi, 2019-2022 jyldary Atyraý, Pavlodar oblystarynyń Ádilet departamenti basshysynyń orynbasary, 2022-2025 jyldary Astana qalasy Ádilet departamenti basshysynyń orynbasary qyzmetin atqarǵan.
2025 jylǵy tamyz aıynan bastap — Ulytaý oblysy Ádilet departamentiniń basshysy.
104 jyl buryn (1922-1978) kınorejısser, Qazaqstannyń eńbek sińirgen óner qaıratkeri (1966), Ekinshi dúnıejúzilik soǵys ardageri Májıt Saparǵalıuly BEGALIN dúnıege keldi.
Shyǵys Qazaqstan oblysy, Abaı aýdany, Degeleń aýylynda týǵan. 1948 jyly Máskeýdegi Búkilodaqtyq kınematografııa ınstıtýtyn bitirgen.
1950-1978 jyldary «Qazaqfılm» kınostýdııasynda rejıser bolyp, óz zamandastary týraly «Bul Shuǵylada bolǵan edi» (1955), «Jerge qaıta M.Begalınnyń oralýy» (1959), «Tulpardyń izi» (1964) kórkem fılmderdi qoıdy. Sh. Ýálıhanov týraly «Onyń kúni týady» (1957), B.Momyshuly jaıynda «Artymyzda Máskeý» stsenarıı avtory (1967). 1968 jyly Frýnze (qazirgi Bishkek) qalasynda ótken Orta Azııa men Qazaqstan kıno óneri baıqaýynyń bas júldesi men 1-dárejeli dıplomy ıegeri. M. Mámetova týraly «Mánshúk týraly ballada» (1969) sekildi tarıhı-ǵumyrnamalyq fılmi Begalınniń rejısserlik sheberligin tanytty. 1970 jyly Mınsk qalasynda ótken Búkilodaqtyq kınobáıgedegi KSRO Qorǵanys mınstrliginiń bas júldesi ıegeri. Resmı shyǵarmashylyǵy týraly «Majıt Begalın» atty derekti fılm (1981) túsirilgen.
Eńbek Qyzyl Tý, «Qurmet belgisi» ordenderimen marapattalǵan.