22 aqpan kúngi aýa raıy boljamy
NUR-SULTAN. QazAqparat – 22 aqpan kúni Qazaqstan aýmaǵynyń basym bóliginde jaýyn-shashyn (jańbyr jáne qar túrinde) jaýady. Batysta jaýyn-shashynsyz kún raıy boljanady. Respýblıkanyń keı jerlerinde tuman, kóktaıǵaq, jaıaý burqasyn, jeldiń kúsheıýi kútiledi, dep habarlaıdy QazAqparat.
«Qazgıdromet» RMK málimetinshe, Jambyl oblysynyń keı jerlerinde tuman, kóktaıǵaq, jaıaý burqasyn kútiledi. Jeldiń ekpini 23-28 m/s, tańerteń jáne kúndiz oblystyń ońtústik-batysynda 30 m/s jáne odan joǵary bolady.
Túrkistan oblysynyń keı jerlerinde tuman, túnde – naızaǵaı boljanady, jeldiń kúshi 15-20, túnde jáne tańerteń 23-28 m/s kúsheıedi.
Almaty oblysynda túnde jáne tańerteń keı jerlerde tuman kútiledi, túnde Jalańashkól aýdanynda jel 18-23 m/s artady.
Qaraǵandy, Shyǵys Qazaqstan oblystarynyń keı jerlerinde tuman, burqasyn, kóktaıǵaq bolady. 15-20 m/s jyldamdyqta jel soǵady. Shyǵys Qazaqstan oblysynyń Jarma aýdanynda jeldiń ekpini 25 m/s jetedi.
Qyzylorda oblysynyń keı jerlerinde tuman, kóktaıǵaq, kúndiz jel 15-20 m/s ekpinde jel boljanady.
Aqmola, Mańǵystaý, Atyraý, Batys Qazaqstan, Qostanaı, Soltústik Qazaqstan, Pavlodar oblystarynyń keı jerlerinde tuman kútiledi.
