22-25 mamyr aralyǵynda Astanadan ushatyn áýe reısteri keıinge shegerildi
ASTANA. QazAqparat - Erteńnen bastap 25 mamyrǵa deıin Astanadan ushyrylatyn áýe reısteri KADEX-2014 kórmesiniń aıasynda ótetin oqý-jattyǵýlarǵa baılanysty tústen keıingi ýaqytqa aýystyryldy.
Bul týraly QazAqparat tilshisine «Astana halyqaralyq áýejaıy» AQ marketıng bóliminiń basshysy Lıýdmıla Kopeıchýk habarlady.
«2014 jyldyń 22-25 mamyr aralyǵynda Astana ýaqyty boıynsha 10.00-den 13.00-ge deıin ІІІ halyqaralyq «KADEX-2014» qarý-jaraq jáne áskerı-tehnıkalyq múlik kórmesine daıyndyq boıynsha oqý-jattyǵýlar ótedi. Sol sebepti osy aralyqtaǵy barlyq reıster tústen keıingi ýaqytqa aýystyryldy», - dep málimdedi L.Kopeıchýk.
Aqtaý, Aqtóbe, Almaty, Semeı men Shymkentke ushatyn tańǵy reıster toqtatylady.
