22-24 sáýirde elimizdiń basym bóliginde jańbyr jaýady

ASTANA.QazAqparat - Aldaǵy úsh kúnde Qazaqstanda jańbyr jaýady; tuman túsip, jel kúsheıedi, dep habarlaıdy QazAqparat «Qazgıdromet» RMK-ǵa silteme jasap.

«Elimizdiń aldaǵy úsh kúngi aýa raıyn Qara teńiz aýdandarynan keletin tsıklon anyqtaıdy, ol batystan shyǵysqa qaraı jyljyp, jańbyr túrinde jaýyn-shashyn týdyrady. Qazaqstan boıynsha tuman túsip, jel kúsheıedi, ońtústik óńirlerde naızaǵaı jarqyrap, shańdy daýyl soǵýy múmkin», – delingen sınoptıkterdiń habarlamasynda.