22-24 aqpan aralyǵynda aýa raıy qubylmaly bolady
ASTANA. QazAqparat - «Kazgıdromet» RMK 2018 jyldyń 22-24 aqpanyna arnalǵan aýa-raıy boljamyn usynady, dep habarlaıdy «QazAqparat» HAA tilshisi.
«Aldaǵy kúnderi Qazaqstannyń basym óńirlerinde aýa raıy turaqsyz bolady. Keıbir jerlerde qar jaýyp, burqasyn soǵady. Sekýndyna 15-20 metr jyldamdyqpen jel soǵyp, kóktaıǵaq bolady. Keı óńirlerde tuman túsýi múmkin. Reseıdiń eýropalyq bóliginen keletin antıtsıklonǵa baılanysty batysta, odan keıin respýblıkamyzdyń barlyq óńirlerinde aýa temperatýrasy tómendeıdi»,-dep jazylǵan habarlamada.
