22-23 tamyz kúnderi Astanada respýblıkalyq tamyz pedagogıkalyq máslıhaty ótedi
ASTANA. 21 tamyz. QazAqparat - 2013 jylǵy 22-23 tamyz aralyǵynda Astanada Qazaqstan Respýblıkasynyń Bilim jáne ǵylym mınıstrligi uıymdastyrǵan «Sapaly bilim men tárbıe berý - Qazaqstannyń memlekettik saıasatynyń basymdyǵy» taqyrybynda respýblıkalyq tamyz pedagogıkalyq máslıhaty ótedi.
Bul týraly QR Bilim jáne ǵylym mınıstrliginiń baspasóz qyzmeti habarlady.
Respýblıka ustazdary bilim berý sapasyn arttyrýdyń strategııalyq basymdyqtaryn anyqtaý jáne respýblıkanyń bilim berý júıesin jańǵyrtý jaǵdaıynda tárbıe berý boıynsha sharalardy talqyǵa salady.
Sondaı-aq tamyz pedagogıkalyq máslıhaty aıasynda sektsııalyq otyrystar ótkiziledi. Olardyń aıasynda «12 jyldyq oqytýǵa kóshý. Qazaqstan Respýblıkasynyń bilim berý júıesin normatıvtik quqyqtyq qamtamasyz etý» konferentsııasy uıymdastyrylady.jáne «Ulttyq qundylyqtardy damytý aıasyndaǵy tárbıe jumysynyń jańa baǵyttary» taqyryptary talqylanady.
