22-23 tamyz kúnderi Prezıdent Tájikstan Respýblıkasyna memlekettik saparmen barady

ASTANA. KAZINFORM – Aqorda 22-23 tamyz kúnderi Memleket basshysy Qasym-Jomart Toqaev Prezıdent Emomalı Rahmonnyń shaqyrýymen Tájikstan Respýblıkasyna memlekettik saparmen baratynyn málimdedi.

Sapar aıasynda shaǵyn quramda jáne eki el úkimetteri delegatsııalarynyń qatysýymen joǵary deńgeıde kelissózder ótedi.

Memleket basshysy Qasym-Jomart Toqaev pen Prezıdent Emomalı Rahmon Qazaqstan men Tájikstan arasyndaǵy strategııalyq seriktestiktiń qazirgi jaı-kúıi men damý perspektıvasyn talqylaıdy.

Sondaı-aq eki eldiń caıası, saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn nyǵaıtýdy kózdeıtin birqatar qujatqa qol qoıylady dep josparlanyp otyr.