217 «jaıly mektepti» kútip ustaýǵa jyl saıyn 7 mlrd teńge kerek — mınıstrlik
ASTANA. KAZINFORM — Qoldanysqa berilgen 217 «jaıly mektepti» kútip ustaýǵa jyl saıyn 7 mlrd teńge kerek. Bul týraly Oqý-aǵartý vıtse-mınıstri Edil Ospan Senatta ótip jatqan dóńgelek ústelde aıtty.
— 2026-2028 jyldarǵa arnalǵan jalpy sıpattaǵy transfertterdi qalyptastyrý Memleket basshysynyń tapsyrmasynda aıtylǵan 1300 mektepti jańǵyrtý jobasyn iske asyrýǵa jáne qoldanysqa berilgen «jaıly mektepterdi» kútip ustaýǵa qajetti qarajat qarastyrý bóliginde ázirlenip jatyr. Atalǵan shyǵystar buǵan deıin jergilikti bıýdjet bazasynda eskerilmegen. ıAǵnı, jalpy sıpattaǵy transfertterge qosymsha qarajat qajet bolady. Atap aıtqanda, 217 «jaıly mektepti» kútip ustaýǵa jyl saıyn 7 mlrd teńge qajet degen boljam bar. Aldyn ala derekter boıynsha 2026-2027 jyldary 1300 mektepti jańǵyrtýǵa shamamen 700 mlrd teńge kerek bolady, — dedi ol.
Mınıstrlik budan bólek jeke menshik bilim berý uıymdaryna memlekettik tapsyrys aıasynda jyl saıyn bólinetin 260 mlrd teńgeniń shyǵysyn da jergilikti bıýdjetterdiń moınyna ilmekshi.
Sondaı-aq, jergilikti bıýdjetterge mynandaı shyǵystardy berýdi josparlap otyr:
— mektepke deıingi bilim berý uıymdaryndaǵy pedagogterdiń eńbekaqysyn ulǵaıtýǵa jyl saıyn shamamen 93 mlrd teńge;
— memlekettik bilim berý uıymdaryndaǵy medıtsınalyq qyzmetkerlerdiń eńbekaqysyn ulǵaıtýǵa jyl saıyn shamamen 4 mlrd teńge;
— kolledj uıymdarynda bilim alýshylardyń memlekettik stıpendııasyn ulǵaıtýǵa jyl saıyn shamamen 100 mlrd teńge.
— Jalpy usynylǵan baǵyttar Ulttyq ekonomıka jáne Qarjy mınıstrlikterimen birge pysyqtalady, — dedi Edil Ospan.
Eske salsaq, 15 naýryzda Memleket basshysy jańa Bıýdjet kodeksine qol qoıǵan edi.
Buǵan deıin bıýdjetke donor bolyp otyrǵan óńirlerden alatyn transfertter kólemi azaıatyny málim boldy.