2100 jyly ǵalamshar halqy 10 mıllıard adamnan asady
ASTANA. 29 qazan. QazAqparat - 2100 jyly ǵalamshar halqynyń sany 10 mıllıardtan asýy, eger týý kórsetkishi ulǵaısa, tipti 15 mıllıardqa da jetip qalýy múmkin, delingen Birikken Ulttar Uıymynyń halyq sany salasyndaǵy qorynyń Londonda jarııalanǵan baıandamasynda, dep habarlady reseılik «Jańalyqtar» agenttigi.
Qordyń sońǵy zertteýlerine sáıkes 2050 jyly ǵalamshar halqy 9,5 mıllıard adamǵa jetpek, al júzjyldyqtyń sońynda 10 mıllıardtyq mejege jetedi.
Eger halyq tyǵyz ornalasqan elderde týý kórsetkishi ulǵaısa, bul san 2050 jyly 10,6 mıllıardty quraýy jáne 2100 jylǵa qaraı 15 mıllıardtan asýy múmkin, delingen baıandamada. Osyǵan baılanysty kedeı elderde jastardy jumysqa ornalastyrý, ekologııalyq problemalar, qala men aýyl halqy arasyndaǵy tepe-teńdikti saqtaý, kóshi-qon máseleleriniń ózektiligi artpaq.
