21 jeltoqsanda Qazaqstannyń shyǵys bóliginde aýa raıynyń turaqsyzdyǵy saqtalady
ASTANA. 20 jeltoqsan. QazAqparat - «Qazgıdromet» RMK málimetteri boıynsha, Qazaqstannyń shyǵys bóliginde aýa raıynyń turaqsyzdyǵy saqtalady, atmosferalyq aǵyndardyń ótýine baılanysty jaýyn-shashyndar áli toqtamaıdy. Respýblıkanyń keı jerlerinde jel kúsheıedi dep kútilýde, boran soǵady, kóktaıǵaq bolady, tuman túsedi.
Shyǵys Qazaqstan oblysynda boran soǵyp, keı jerlerde jel 15-22 m/s-ke kúsheıedi. Aqmola, Pavlodar, Qaraǵandy, Jambyl oblystarynda keı jerlerde boran soǵyp, jel 15-24 m/s deıin kúsheıedi.
Almaty, Qyzylorda, Ońtústik Qazaqstan oblysynda keı jerlerde tuman túsedi, jel 15-22 m/s deıin kúsheıedi, Almaty oblysynda keı jerlerde jer kóktaıǵaq bolady. Soltústik Qazaqstan oblysynda keı jerlerde tuman túsedi, túnde boran, 15-20 m/s jel soǵady.
Qostanaı oblysynda keı jerlerde tuman túsedi dep kútilýde, boran soǵady. Atyraý, Mańǵystaý oblystarynda keı jerlerde tuman túsedi, Atyraý oblysynda keı jerlerde kóktaıǵaq bolady, kúndiz 15-20 m/s jel soǵady.
Jýyrdaǵy úsh táýlikte Qazaqstannyń sýly nysandarynda muz qalyptasý úrdisi jalǵasady, respýblıkanyń ońtústigi, ońtústik-shyǵysy jáne shyǵysynyń jekelegen ózenderde sý deńgeıi kóterilýi múmkin, seń qalyptasady.
