21 jeltoqsan. Tulǵalar týǵan kún
Búgin, 21 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
41 jyl buryn (1983) Túrkistan oblysy Ordabasy aýdanynyń ákimi Azat Ábdiǵalıuly ORALBAEV dúnıege keldi.
Ońtústik Qazaqstan oblysy Ordabasy aýdany Badam aýylynda týǵan.
2003 jyly Qaplanbek gýmanıtarlyq agrarlyq-ekonomıkalyq kolledjin, 2006 jyly Almaty ekonomıkalyq ýnıversıtetin ekonomıst mamandyǵy boıynsha bitirgen.
Eńbek joly: 2003 jyly «Batsý» JShS kadr bóliminiń meńgerýshisi boldy. 2003-2004 jyldary Ordabasy aýdandyq eńbek jáne halyqty áleýmettik qorǵaý bólimi mamany (arnaıy tekserýden ótkenge deıin), 2004-2005 jyldary Ordabasy aýdandyq eńbek jáne halyqty áleýmettik qorǵaý bólimi mamany, 2005-2006 jyldary Ordabasy aýdandyq jumyspen qamtý jáne áleýmettik baǵdarlamalar bólimi mamany, 2006-2007 jyldary Badam aýyl okrýgi ákimi apparatynda bas maman - is basqarýshy, 2007 jyly Badam
aýyl okrýgi ákiminiń orynbasary, 2007-2010 jyldary Badam aýyl okrýginiń ákimi, 2010-2012 jyldary Ordabasy aýdandyq kásipkerlik jáne aýyl sharýashylyǵy bólimi basshysy, 2012-2017 jyldary Ordabasy aýdany ákiminiń apparat basshysy, 2017-2023 jyldary Ordabasy aýdany ákiminiń orynbasary boldy.
Qazirgi qyzmetin 2023 jylǵy tamyz aıynan atqaryp keledi.
37 jyl buryn (1987) Almaty qalasy máslıhatynyń tóraǵasy Meıirjan Batyrbekuly OTYNShIEV dúnıege keldi.
Túrkistan oblysynda dúnıege kelgen. 2009 jyly ál-Farabı atyndaǵy QazUÝ «Halyqaralyq quqyq» mamandyǵy boıynsha, 2011 jyly Qaztutynýodaǵynyń Qaraǵandy ekonomıkalyq ýnıversıtetin «Ekonomıka bakalavry» mamandyǵy boıynsha, 2013 jyly QR Prezıdenti janyndaǵy Memlekettik basqarý akademııasyn «Memlekettik jáne jergilikti basqarý magıstri» mamandyǵy boıynsha támámdaǵan.
Eńbek jolyn 2010 jyly Almaty qalalyq Jumyspen qamtý jáne áleýmettik baǵdarlamalar basqarmasynda bas maman retinde bastaǵan. 2012 jyly bólim basshysy, 2014 jyly basshynyń orynbasary, 2017 jyly basqarma basshysy bolyp taǵaıyndaldy. 2019-2022 jyldary Almaty qalasy Turǵyn úı saıasaty basqarma basshysynyń orynbasary laýazymyn atqardy. 2021 jylǵy qańtar aıynda «Nur Otan» partııasy Almaty qalalyq fılıaly tóraǵasynyń birinshi orynbasary, 2022-2023 jyldary «AMANAT» partııasy Almaty qalalyq fılıalynyń atqarýshy hatshysy, 2023 jyldyń qańtar aıynda «AMANAT» partııasy Almaty qalalyq fılıalynyń tóraǵasy boldy.
Qazirgi qyzmetin 2023 jyldyń naýryz aıynan bastap atqaryp keledi.
«Eren eńbegi úshin» medalimen, partııanyń «Belsendi qyzmeti úshin» tósbelgisimen, «Qazaqstan Respýblıkasynyń táýelsizdigine 30 jyl» merekelik medalimen marapattalǵan.
34 jyl buryn (1990) Qaraǵandy qalasy ákiminiń orynbasary Dastan Amangeldiuly QUDABAEV dúnıege keldi.
Qaraǵandy qalasynda týǵan. Bóketov atyndaǵy Qaraǵandy memlekettik ýnıversıtetin qarjyger mamandyǵy boıynsha, Bóketov atyndaǵy Qaraǵandy memlekettik ýnıversıtetin zańger mamandyǵy boıynsha támamdaǵan. Qaraǵandy memlekettik tehnıkalyq ýnıversıtetinde tehnıka jáne tehnologııa magıstri ataǵyn aldy. Almaty Ekonomıka jáne statıstıka akademııasynda ekonomıka ǵylymdarynyń magıstri atandy.
Eńbek joly: 2008-2010 jyldary Qaraǵandy ekonomıka jáne statıstıka kolledjiniń qarjy dırektory, 2010-2012 jyldary Qaraǵandy qalasyndaǵy Kassa Nova AQ Bank fılıalynyń kredıt berý bóliminiń menedjeri, 2012 jyly Qaraǵandy oblysy ákimi apparaty basshysynyń kómekshisi, 2012-2014 jyldary Qaraǵandy qalasy ákiminiń kómekshisi, Qaraǵandy qalasy ákiminiń keńesshisi qyzmetterin atqardy. 2014 jyly Qaraǵandy ekonomıka jáne statıstıka kolledjiniń qarjy dırektory, 2015-2017 jyldary Qaraǵandy oblysy jastar saıasaty máseleleri basqarmasynyń bas mamany, 2017 jyly Qaraǵandy oblysy jumyspen qamtýdy úılestirý jáne áleýmettik baǵdarlamalar basqarmasynyń bólim basshysy, 2018-2023 jyldary Qaraǵandy oblysy eńbek ınspektsııasy basqarmasy basshysynyń orynbasary - memlekettik eńbek ınspektory boldy.
2024 jyldyń qańtar aıynan bastap qazirgi qyzmetin atqaryp keledi.
89 jyl buryn (1935-2018) ǵalym, Qazaqstanda geologııa-mıneralogııa ǵylymdarynyń negizin salýshy doktor, QR Ulttyq Ǵylym Akademııasynyń korrespondent múshesi, QR Injenerlik Ǵylym Akademııasynyń akademıgi Sýhan Maqsotuly QAMALOV dúnıege keldi.
Batys Qazaqstan oblysy Qaztalov aýdanynda týǵan. S. Kırov atyndaǵy Qazaq memlekettik ýnıversıtetin bitirgen. 1965-1972 jyldary Qazaqstan Respýblıkasy Geologııa mınıstrliginiń bas geologi, 1976-1985 jyldary Oral munaı jáne gaz barlaý ekspedıtsııasynyń aǵa geologi, bas geologi, 1985-1989 jyldary «Oralmunaıgazgeologııa» óndiristik birlestiginiń dırektory, 1989-1991 jyldary Qazaq KSR-niń Geologııa jáne jer qoınaýyn qorǵaý jónindegi komıteti tóraǵasynyń birinshi orynbasary, 1991-1992 jyldary «Qarashyǵanaqgazónerkásip» memlekettik kásipornynyń bas dırektory boldy. 1992 jyldan «Qazaqgazjobalaý» gaz ónerkásibi ǵylymı zertteý-jobalaý ınstıtýtynyń dırektory, Qazaqstan Respýblıkasy Ulttyq Injenerlik Akademııasy Batys Qazaqstan ortalyǵynyń dırektory qyzmetterin atqarǵan. Respýblıkamyzdyń barlyq aýmaǵynda geologııalyq barlaý jumystaryn jobalaýmen jáne josparlaýmen aınalysty. Sol jyldary qory asa baı suıyq kómirsýtekti Ózen jáne Jetibaı kenderi ashyldy. Aqtóbe ekspedıtsııasynyń bas geologi retinde tikeleı qatysýymen «Jańa jol» iri munaı ken ornyn zerttelip, ashyldy. Osy kezeńde biregeı Qarashyǵanaq gazkondensat keni barlandy. 90-ǵa jýyq ǵylymı eńbegi bar.
«Oktıabr Revolıýtsııasy», «Qurmet belgisi», «Parasat», «Barys» ordenderimen jáne medaldarmen marapattalǵan. Oral qalasynyń qurmetti azamaty.