21 jeltoqsan kúni elordada ótetin mańyzdy is-sharalar ańdatpasy
Kazinform halyqaralyq aqparat agenttigi 21 jeltoqsan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10.00-de Wyndham Garden Astana qonaq úıinde atom salasy sarapshylarynyń, energetıkterdiń jáne bıznes-qoǵamdastyq ókilderiniń qatysýymen Atom energetıkasyn damytý jónindegi josparlar aıasynda qazaqstandyq bıznestiń ekonomıkalyq belsendiligin arttyrý» taqyrybynda forým ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Astana qalasynyń áleýmettik-ekonomıkalyq damýy týraly» baspasóz máslıhaty ótedi.
12.00-de № 5 mamandandyrylǵan órt sóndirý bóliminde Astana qalasynyń Tótenshe jaǵdaılar departamenti qala ákimdigimen birlesip, «10 ıgi is» qaıyrymdylyq sharasyn ótkizedi.
15.00-de Májilis depýtattary, «AMANAT» partııasy fraktsııasynyń músheleri Sergeı Ponomarev, Edil Jańbyrshın jáne Marhabat Jaıymbetov Qazaqstandaǵy sý tapshylyǵy men sý resýrstaryn basqarýdyń tıimdiligi máselesi jóninde baspasóz máslıhatyn ótkizedi.
18.15-te «Astana Opera» teatrynda QR Mádenıet jáne aqparat mınıstrligi qurǵan Umai ulttyq syılyǵyn tapsyrý rásimi ótedi.
