21 jastaǵy qazaqstandyq boksshy amerıkalyqty jeńip, WBC chempıony atandy

ASTANA. QazAqparat - Qazaqstandyq boksshy Eskendir Harsan (4-0, 4 KO) kásipqoı rıngtegi besinshi jekpe-jegin ótkizdi, dep habarlaıdy QazAqparat Sports.kz-ke silteme jasap.

Ol segiz raýndtyq kezdesýde tóreshilerdiń sheshimimen buǵan deıin esh jeńilip kórmegen amerıkalyq Horhe Ramostan (6-0-1, 3 KO) basym tústi. Osylaısha, Eskendir besinshi jeńisine qol jetkizip, ekinshi asa jeńil salmaqta jastar arasyndaǵy WBC Intercontinental tıtýlyn jeńip aldy. 

Aıta keteıik, kásipqoı boksta nebári besinshi jekpe-jegin ótkizgen Eskendir osymen ekinshi beldigine qol jetkizip otyr. Ótken jyldyń qyrkúıeginde Búkilálemdik boks baqylaý keńesiniń WBB bos turǵan beldigine ıe bolǵan edi.

21 jastaǵy Eskendir Harsan kásipqoı boksta 2017 jyldyń shildesinde debıýtin toılaǵan.