21 jastaǵy Ǵalym Shaǵataı Máskeýde jekpe-jek ótkizedi
NUR-SULTAN. QazAqparat – Qazaqstandyq kásipqoı boksshy Ǵalym Shaǵataı (2-0, 2 KO) Máskeýde jekpe-jek ótkizedi, dep habarlaıdy QazAqparat Qazaqstan kásipqoı boks paraqshasyna silteme jasap.
Áleýmettik jelide jarııalanǵan málimetke súıensek, 24 shilde kúni Máskeýde kásipqoı boks keshi ótedi. Onda birqatar otandyq sportshylar óner kórsetedi. Olardyń arasynda 21 jastaǵy Ǵalym Shaǵataı da bar.
Birinshi orta salmaqtaǵy qazaq balasy jergilikti boksshymen judyryqtasady.
Ǵalym Shaǵataı kásipqoı boks rınginde eki ret jeńiske jetken. Qos qarsylasyn da nokaýtpen jeńdi. Qazaqstandyq sportshy Tukeshov boxing promoýterlik kompanııasynyń atynan shyǵady.
