21 jastaǵy ekskavator mashınısi «Qazaqstan daýysy» shoýynyń jeńimpazy atandy
ASTANA. QazAqparat - Rýdnyılyq (Qostanaı oblysy) Dinmuhammed Dáýletov kórermenderdiń daýys berýi arqyly «Qazaqstan daýysy» shoýynyń jeńimpazy atandy, dep habarlaıdy Qostanay.TV.
21 jastaǵy Dáýletov Astanada turǵanymen, Rýdnyı qalasynyń týmasy. Tóreshilerdiń aıtýynsha onyń daýysy - erekshe. Basylymnyń málimetinshe, Dinmuhammedtiń mamandyǵy - mashınıst. Taý-ken baıytý kombınatynda úlken-úlken tehnıkalardy jóndeýmen aınalysqan.
«Qazaqstan daýysy» jáne "H-Faktor" shoýlaryna qatysqannan keıin Dinmuhammed Dáýletovtyń ómiri túbegeıli ózgerip sala bergen. Ol qazir restorandarda án shyrqap júr.
Eske sala keteıik, joba boıynsha jeńimpazǵa 7 mln. teńge syıaqy beriledi.
