21 jasqa tolmaǵandarǵa ishimdik satqandarǵa salynatyn aıyppul mólsheri artady
ASTANA. QazAqparat - Elimizde 21 jasqa tolmaǵandarǵa alkogol ónimderin satatyndar úshin aıyppul kórsetkishin eki esege arttyrý kózdelip otyr. Bul týraly Parlament Májilisinde etıl spırti men alkogol óniminiń óndirilýin jáne aınalymyn memlekettik retteýge arnalǵan zań jobasynyń tanystyrylymy barysynda málim boldy.
«Jalpy, qoldanystaǵy zańnamada spırttik ishimdikterdi 21 jasqa tolmaǵan adamdarǵa satýǵa tyıym salynǵan. Degenmen, mundaǵy aıyppul mólsheri tym azdaý. Máselen, ondaı zań buzýshylyqqa barǵandar úshin jeke tulǵalarǵa - 5 aılyq eseptik kórsetkish, shaǵyn jáne orta kásipkerlerge - 40 aılyq eseptik kórsetkishpen qosa qyzmettik lıtsenzııalaryn toqtatý qarastyrylady. Bul tym «jumsaq». Sonyń saldarynan spırt ishimdikterin 21 jasqa tolmaǵandarǵa satý faktileri azaımaı otyr. Aıtalyq, 2011 jyly mundaı 1 894 fakti tirkelse, 2012 jyly - 1 925, 2013 jyly 2 108 oqıǵa oryn aldy», - deıdi vıtse-mınıstr Ardaq Teńgebaev.
Osyǵan oraı, jańa zań jobasynda alkogol ónimderin 21 jasqa tolmaǵandarǵa satqany úshin aıyppul mólsherin eki esege kóbeıtý arqyly sanktsııany qatańdatý usynylady. Sonymen qatar, lıtsenzııanyń qoldanylýyn toqtata turý jáne qaıtalanǵan jaǵdaıda odan aıyrý sanktsııasy kúshinde qalady.
