21 jasqa tolmaǵan qazaqstandyqtarǵa Sharm-el-Sheıhke ata-anasyz barýǵa tyıym salynady
ASTANA. KAZINFORM – Qazaqstan azamattary úshin Sharm-el-Sheıhke kirý erejeleri ózgerdi. Bul týraly FlyArystan áýe kompanııasy habarlaıdy.
- 2025 jylǵy 1 qazannan bastap 21 jasqa tolmaǵan jolaýshylarǵa ata-anasynyń nemese jaqyn týysynsyz Sharm-el-Sheıhke barýǵa tyıym salynady, - delingen habarlamada.
Eger saparǵa ata-ájesi, 21 jastan asqan aǵasy ne ápkesimen barsa, notarıaldy rastalǵan senimhat talap etiledi. Senimhat orys tilinde qabyldanady. Sonymen qatar ózimen birge tólqujat pen týý týraly kýálik bolýy tıis.
FlyArystan charterlik reısteriniń jolaýshylaryna, týrıstik paketpen saıahattaıtyndarǵa (ıaǵnı qonaqúıdi qosa qamtıtyn) qosymsha talaptar nemese ózgerister engizilmeıdi. Barlyq sapar ádettegi tártippen – vızasyz júzege asyrylady.
Aıta keteıik, 2026 jyly «Almaty-Tokıo» tikeleı áýe reısi ashylady.
Búgin belgili bolǵandaı, Qazaqstan men Iordanııa arasynda tikeleı áýe reısi ashylýy múmkin.