21 tamyz. Týǵan kún ıeleri

NUR-SULTAN. QazAqparat - QazAqparat 21 tamyzǵa arnalǵan «Týǵan kún ıeleri» kúntizbesin usynady.

ESІMDER

57 jyl buryn (1964) Qazaqstan Respýblıkasy Prezıdentiniń halyqaralyq yntymaqtastyq jónándegi arnaıy ókili Erjan Hozeuly QAZYHANOV dúnıege kelgen.

Almaty qalasynda týǵan. Lenıngrad Memlekettik ýnıversıtetiniń Shyǵys fakýltetinde bilim alyp, 1987 jyly oqýyn támamdaǵan. Tarıhshy, shyǵystanýshy. Tótenshe jáne Ókiletti Elshi dıplomatııalyq dárejesi bar.

1989-1992 jyldar aralyǵynda QazSSR Syrtqy ister mınıstrligi Protokoldyq-saıası bóliminiń ekinshi hatshysy, birinshi hatshysy. 1992-1995 jyldary Qazaqstan Respýblıkasynyń Memlekettik protokol basqarmasynyń bólim bastyǵy, basqarma bastyǵynyń orynbasary. 1995-2000 jyldary Birikken Ulttar Uıymy janyndaǵy Qazaqstan Respýblıkasy Turaqty Ókildiginiń birinshi hatshysy, keńesshisi retinde jumys istedi. 2000 jyldan bastap Qazaqstan Respýblıkasynyń Syrtqy ister mınıstrligi Kóp jaqty yntymaqtastyq departamentiniń dırektory. 2003 jyldan Qazaqstan Respýblıkasynyń Birikken Ulttar Uıymy janyndaǵy Turaqty ókili, Qazaqstan Respýblıkasynyń Kýba Respýblıkasyndaǵy Tótenshe jáne Ókiletti Elshisi qyzmetin qosa atqarýshy. 2007-2008 jyldary Qazaqstan Respýblıkasy Syrtqy ister mınıstriniń orynbasary qyzmetin atqardy. 2008 jyldyń aqpanynan jeltoqsanǵa deıin Qazaqstan Respýblıkasy Prezıdentiniń kómekshisi. 2009-2011 jyldar aralyǵynda Qazaqstan Respýblıkasynyń Avstrııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili retinde eńbek jolyn jalǵastyrdy. 2011 jyldyń aqpan jáne sáýir aralyǵynda – Qazaqstan Respýblıkasy Syrtqy ister mınıstriniń orynbasary. 2011 jyldyń 11 sáýirinen 2014 jyldyń 17 qyrkúıegine deıin Qazaqstan Respýblıkasy Syrtqy ister mınıstri qyzmetin atqardy. 2014 jylǵy 17 qyrkúıeginen Qazaqstannyń Ulybrıtanııadaǵy Tótenshe jáne Ókiletti Elshisi. 2017-2021 jj. Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti elshisi.

Qazirgi qyzmetin 2021 jyldyń sáýir aıynan beri atqaryp keledi.

«Eren eńbegi úshin» medalimen (2005), «Qazaqstan Respýblıkasynyń Táýelsizdigine 10 jyl» (2001), «Qazaqstan Respýblıkasynyń Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008) mereıtoılyq medaldarymen marapattalǵan.

54 jyl buryn (1967) Qazaqstan Respýblıkasy Tótenshe jaǵdaılar vıtse-mınıstri Marat Muhametqalıuly KÚLDІKOV dúnıege keldi.

Semeı oblysynda týǵan. 1994 jyly QR ІІM Almaty joǵary tehnıkalyq ýchılışesin «órtten qorǵaný tehnıkasy jáne ony uıymdastyrý» mamandyǵy boıynsha, 2000 jyly QR TJK Kókshetaý tehnıkalyq ınstıtýtyn «órt qaýipsizdigi» mamandyǵy boıynsha bitirgen.

Eńbek jolyn 1989 jyly Semeı qalasyn kúzetý jónindegi ІІB №79 áskerılendirilgen órt sóndirý bólimine baǵynysty órt sóndirýshi bolyp bastady.

1993-2008 jyldary Shyǵys Qazaqstan oblysynyń memlekettik órtke qarsy qyzmet organdarynda orta jáne aǵa basshy quramynyń túrli laýazymdaryn atqardy.

2008-2012 jj. — Shyǵys Qazaqstan oblysynyń Tótenshe jaǵdaılar departamenti bastyǵynyń orynbasary – Semeı qalasynyń Tótenshe jaǵdaılar basqarmasynyń bastyǵy.

2012-2014 jj. — Jambyl oblysynyń Tótenshe jaǵdaılar departamentiniń bastyǵy.

2014-2016 jj. — Batys Qazaqstan oblysynyń Tótenshe jaǵdaılar departamentiniń bastyǵy.

2016-2019 jj. — QR ІІM Tótenshe jaǵdaılar komıteti tóraǵasynyń orynbasary.

2019-2020 jj.Tótenshe jaǵdaılar komıteti tóraǵasynyń birinshi orynbasary qyzmetin atqardy.

Qazirgi qyzmetinde – 2020 jyldyń qazan aıynan bastap.

54 jyl buryn (1967) Qazaqstan Respýblıkasy Joǵarǵy Sotynyń mamandandyrylǵan sot alqasynyń tóraıymy Aıgúl Qýanyshbaıqyzy QYDYRBAEVA dúnıege keldi.

Zań jáne qarjy mamandyǵy boıynsha eki joǵary bilimi bar.

Almaty oblystyq Tórelik sotynyń sýdıasy (1995-1996 jyldary); Almaty oblystyq sotynyń sharýashylyq alqasynyń sýdıasy (1996-2006 jyldary); Almaty qalasy sotynyń Bostandyq aýdanynyń sýdıasy (2006-2010 jyldary); Almaty qalalyq sotynyń sýdıasy (2010-2011 jyldary); Almaty qalalyq sotynyń apellıatsııalyq sot alqasynyń tóraǵasy (2011-2012 jyldary); Almaty qalalyq sotynyń azamattyq jáne ákimshilik ister jónindegi sot alqasynyń tóraǵasy (2012-2013 jyldary); Qazaqstan Respýblıkasy Joǵarǵy Sotynyń sýdıasy (2013-2015 jyldary).

Qazirgi qyzmetinde 2015 jyldan bastap.

46 jyl buryn (1975) Qazaqstan Respýblıkasy Qaýipsizdik keńesi hatshysynyń orynbasary Azamat Qurmanbekuly ÁBDІMOMYNOV dúnıege keldi.

Almaty qalasynda týǵan. 1997 jyly ál-Farabı atyndaǵy Qazaq ulttyq ýnıversıtetin jáne Indıana Ýnıversıtetin, 1999 jyly Dj.Kennedı atyndaǵy Garvard ýnıversıteti Joǵary memlekettik basqarý mektebin bitirgen.

1999-2000 jyldary – «Qazaqoıl» Ulttyq munaı-gaz kompanııasy strategııalyq josparlaý departamentiniń bas analıtıgi, strategııalyq josparlaý jáne syrtqy ekonomıkalyq baılanystar departamentiniń bas menedjeri. 2000 jylǵy mamyr men jeltoqsan aralyǵynda – Qazaqstan Respýblıkasy Qorǵanys mınstrligi ekonomıka jáne qarjy departamenti analız bóliminiń jáne qorǵanys resýrstaryn basqarý basqarmasynyń bastyǵy. 2001-2002 jyldary – Qazaqstan Respýblıkasy Qarýly Kúshteri Bas Shtabynyń jańa tehnologııalar men maqsatty baǵdarlamalar departamentiniń bastyǵy, avtomattandyrý jáne geoaqparattandyrý júıesi basqarmasynyń bastyǵy. 2002-2004 jyldary – Qazaqstan Respýblıkasy Prezıdenti Ákimshiligi júıeli zertteýler ortalyǵynyń jetekshisi. 2004-2005 jyldary – Qazaqstan Respýblıkasy Prezıdenti Ákimshiligi ekonomıkalyq saıasat basqarmasy júıeli zertteýler ortalyǵynyń jetekshisi. 2005-2007 jyldary – Qazaqstan Respýblıkasy Bilim jáne ǵylym vıtse-mınıstri. 2007-2012 jyldary – «Samǵaý» Ulttyq ǵylymı-tehnologııalyq holdıngi» AQ basqarma bastyǵy. 2012-2014 jyldary – Qazaqstan Respýblıkasy Prezıdenti Ákimshiligi Strategııalyq ázirlemeler jáne taldaý ortalyǵynyń meńgerýshisi. 2014-2015 jyldary – Qazaqstan Respýblıkasy Prezıdentiniń Ákimshiligi Qaýipsizdik Keńesi hatshysynyń orynbasary – Qaýipsizdik Keńesi hatshylyǵynyń meńgerýshisi.

Qazirgi qyzmetinde 2015 jylǵy maýsymnan.

37 jyl buryn (1984) «Astana» telearnasynyń bas prodıýseri Azamat Yrzaǵululy ISAEV dúnıege keldi.

Almaty qalasynda týǵan. Abaı atyndaǵy Qazaq ulttyq pedagogıkalyq ýnıversıtetin «Halyqaralyq jýrnalıstıka» mamandyǵy boıynsha bitirgen.

Eńbek joly: 2001-2004 jyldary – «Shahar» Teleradıokompanııasy JShS-da baǵdarlamalar jýrnalısi, júrgizýshisi. 2004-2005 jyldary – «HiT TV» mýzykalyq telearnasynyń prodıýseri. 2005-2007 jyldary – «SuperStar KZ» mega-jobasynyń prodıýseri. 2007-2008 jyldary – «HiT TV» telearnasynyń atqarýshy prodıýseri. 2009-2019 jyldary – Qazaqstannyń shoý-bıznesi týraly «Go! Go! Magazine» jýrnalynyń bas redaktory. 2009-2010 jyldary – «MuzZone» mýzykalyq telearnasynyń basshysy. 2010-2012 jyldary – «Balapan» telearnasyndaǵy «Álippe» telejobasynyń jáne «Bala tili-bal» otbasylyq oıyn – saýyq shoýynyń avtory. 2012-2018 jyldary – «Astana» telearnasynda kreatıvti prodıýser, keıin 2013 jyly «ORDA FM» radıosynyń negizin qalap, 2018 jylǵa deıin sol radıonyń dırektory bolyp qyzmet atqarǵan. 2018-2019 jyldary – «Qazaqstan» RTRK jobalarynyń bas prodıýseri.

2019 jylǵy tamyzdan bastap qazirgi qyzmetinde.

«Qazaqstan Táýelsizdigi jáne Elbasy» syılyǵynyń laýreaty, «Nur Suńqar» syılyǵynyń jeńimpazy.