21 shilde: Týǵan kún ıeleri
21 shilde, SENBІ
ESІMDER
61 jyl buryn (1957) Qorqyt Ata atyndaǵy Qyzylorda memlekettik ýnıversıtetiniń rektory, tehnıka ǵylymdarynyń doktory, professor BISENOV Qylyshbaı Aldabergenuly dúnıege keldi.
Qyzylorda oblysy Jalaǵash aýdanynda dúnıege keldi. 1974 jyly Qyzylorda qalasyndaǵy №4 S.Seıfýllın atyndaǵy orta mektepti altyn medalmen bitirdi. Sol jyly V.I.Lenın atyndaǵy Qazaq polıtehnıkalyq ınstıtýtyna qabyldanyp, osy oqý ornyn 1979 jyly úzdik dıplommen bitirip shyǵady. 1979-1980 jyldary V.I.Lenın atyndaǵy Qazaq polıtehnıkalyq ınstıtýtynda stajer-zertteýshi. 1980 jyldan bastap Jambyl gıdromelıoratıvtik-qurylys ınstıtýtynyń Qyzylorda fılıalynda oqytýshy, aǵa oqytýshy, fakýltet dekany, dırektordyń orynbasary qyzmetterin atqardy. 1982-1985 jyldary Máskeý qalasyndaǵy KSRO Memlekettik qurylys komıtetiniń Beton jáne temirbeton ǴZI aspıranty. 1985 jyly KSRO Memqurylys BTǴZI-da qurylys materıaldary men buıymdary mamandyǵy boıynsha tehnıka ǵylymdarynyń kandıdaty ǵylymı dárejesin alý úshin dıssertatsııa qorǵady. 1990-1996 jyldary Y.Jaqaev atyndaǵy Qyzylorda agroónerkásip óndirisi ınjenerleri ınstıtýtynyń oqý isi jónindegi prorektory, birinshi prorektory. 1995 jyly Reseı Federatsııasy Tomsk memlekettik sáýlet-qurylys akademııasynda qurylys tehnologııasy jáne uıymdastyrý mamandyǵy boıynsha tehnıka ǵylymdarynyń doktory ǵylymı dárejesin alý úshin dıssertatsııa qorǵady. 1996-1998 jyldary Y.Jaqaev atyndaǵy Qyzylorda polıtehnıkalyq ınstıtýtynyń rektory, 1998-2007 jyldary Qorqyt Ata atyndaǵy Qyzylorda memlekettik ýnıversıtetin basqardy. 160-tan astam ǵylymı eńbektiń, onyń ishinde 8 monografııa, 22 ónertapqyshtyq patent pen kýáliktiń, 5 oqýlyqtyń avtory. Ol 3 ǵylym doktory, 7 ǵylym kandıdatyn daıyndady. 1996-2007 jyldary Qyzylorda oblystyq máslıhatynyń úsh márte saılanǵan depýtaty retinde qoǵamdyq-saıası qyzmetpen belsene aınalysty. «Nur Otan» HDP Qyzylorda oblystyq fılıalynyń tóraǵasy (2006-2007 jyldary), «Nur Otan» HDP saıası keńesiniń múshesi. 2007-2011 jyldary Qazaqstan Respýblıkasy Parlament Májilisiniń Qyzylorda oblysynan partııalyq tizim boıynsha saılanǵan depýtaty. 2011 jyly 12 tamyzdan bastap Qorqyt Ata atyndaǵy Qyzylorda memlekettik ýnıversıtetiniń rektory. Qazaqstannyń eńbek sińirgen qaıratkeri. «Qurmet» ordenimen, medaldarmen, QR Ǵylymyn damytýǵa qosqan úlesi úshin» belgisimen marapattalǵan.
58 jyl buryn (1960) Qazaqstan Respýblıkasy Parlamenti Májilisi depýtaty, Qarjy jáne bıýdjet komıtetiniń múshesi SMIRNOVA Irına Vladımırovnadúnıege keldi.
Qyrǵyz KSR Ystyqqól oblysynda dúnıege kelgen.
1977-1983 jyldary - Abaı atyndaǵy Qazaq pedagogıkalyq ınstıtýtyn bitirgen, mamandyǵy - «orta mektebiniń bıologııa páni muǵalimi». 1979-1983 jyldary - Jambyl oblysyndaǵy №22 orta mektebiniń bıologııa páni muǵalimi. 1983-1984 jyldary - KSRO AShM ǴZI laboranty. 1984-1991 jyldary - Jambyl oblysy №22 orta mektebiniń bıologııa páni muǵalimi, synyptan tys jáne shtattan tys jumys uıymdastyrýshy. 1991-1993 jyldary - Kókshetaý oblysy Rýzaevka aýylynda Rýzaev orta mektebinde synyptan tys jáne shtattan tys jumys uıymdastyrýshy, dırektordyń oqý-tárbıe jumysy boıynsha orynbasary, Rýzaev orta mektebiniń dırektory. 1993 jyly - Almaty qalasyndaǵy № 91 orta mektep dırektorynyń oqý-tárbıe jumysy jónindegi orynbasary. 1996-2006 jyldary - Almaty qalasyndaǵy № 68 orta mektep dırektory. 2010-2011 jyldary - Almatydaǵy № 9 oqýshylar úıiniń dırektory. 2011-2016 jyldary - Almaty qalasyndaǵy №48 mektep-lıtseıiniń dırektory.
2016 jyldyń naýryzynan bastap partııalyq tizim boıynsha "Halyq kommýnısteri" partııasynan Qazaqstan Respýblıkasy Parlamenti Májilisiniń depýtaty bolyp saılandy, qarjy jáne bıýdjet komıtetiniń múshesi.
«Qazaqstan Respýblıkasynyń bilim berý úzdigi» tósbelgisimen, «Qazaqstan Konstıtýtsııasyna 10 jyl» medalimen, «Qurmet» ordenimen, «Qazaqstan Parlamentine 10 jyl» medalimen, «Medeý aýdanyn damytýǵa qosqan úlesi úshin» medalimen, «ál-Farabı atyndaǵy Qazaq ulttyq ýnıversıtetine 80 jyl» medalimen, «Qazaqstan Konstıtýtsııasyna 25 jyl» medalimen marapattalǵan.
43 jyl buryn (1975) Respýblıkalyq bıýdjettiń atqarylýyn baqylaý jónindegi esep komıtetiniń múshesiPLOTNIKOV Konstantın Fedorovıch dúnıege kelgen.
Tselınograd qalasynda týǵan. 1998 jyly L. N. Gýmılev atyndaǵy Eýrazııa ulttyq ýnıversıtetin ekonomıst mamandyǵy boıynsha támamdaǵan.
Eńbek jolyn 1998 jyly Aqmola oblystyq ádilet basqarmasynda jetekshi maman retinde bastaǵan. 1999-2006 jyldar aralyǵynda Ádilet mınıstrliginiń ishki baqylaý bóliminde bas maman, bólim bastyǵy qyzmetterin atqardy. 2006-2011 jyldar aralyǵynda Respýblıkalyq bıýdjettiń atqarylýyn baqylaý jónindegi esep komıtetiniń bas sarapshysy, bas keńesshisi bolyp eńbek etti.
2011 jyldan beri qazirgi qyzmetinde.
«Qazaqstan Respýblıkasynyń táýelsizdigine 20 jyl» mereıtoılyq medalimen, Qazaqstan Respýblıkasynyń Qurmet gramotasymen marapattalǵan.
40 jyl buryn (1978) Qazaqstan Respýblıkasy Qoǵamdyq damý vıtse-mınıstri NÚKENOV Abzal Núkenuly dúnıege keldi.
1995-2000 jyldary - Ál-Farabı atyndaǵy Qazaq ulttyq ýnıversıtetin «Saıasattaný» mamandyǵy boıynsha támamdaǵan. Saıası ǵylymdar kandıdaty (2004). 2000-2005 jyldary - «Otan» partııasy Ortalyq apparatynyń ıdeologııalyq bólim sektorynyń meńgerýshisi, konsýltant. 2005-2006 jyldary - Almaty qalasy ákimdiginiń Іshki saıasat departamentiniń Úkimettik emes uıymdarmen jáne dinı birlestiktermen jumys bóliminiń bastyǵy. 2006 jylǵy qyrkúıekte Almaty oblysy Áýezov aýdany ákiminiń orynbasary bolyp taǵaıyndaldy. 2009-2011 jyldary - L.N.Gýmılev atyndaǵy Eýrazııa ulttyq ýnıversıtetiniń Zamanaýı zertteý ınstıtýtynyń dırektory. 2011 - 2016 jyldary QR Qaýipsizdik Keńesi Ahýaldyq ortalyǵynyń sektor meńgerýshisi, Ahýaldyq ortalyq meńgerýshisiniń orynbasary, odan soń Ahýaldyq ortalyqtyń meńgerýshisi bolyp qyzmet atqardy.
Qazirgi qyzmetinde 2016 jyldyń qarashasynan beri.
«Eren eńbegi úshin» medalimen marapattalǵan.
38 jyl buryn (1980) Atyraý oblysy Qyzylqoǵa aýdanynyń ákimi BAJENOV Arman Syrymuly dúnıege kelgen.
Atyraý oblysynda týǵan. Atyraý munaı jáne gaz ınstıtýtyn, Qazaq ulttyq ýnıversıtetin támamdaǵan.
Eńbek jolyn Qurmanǵazy aýdanynyń Aqkól aýyldyq okrýgi ákimi apparatynyń bas mamany retinde bastaǵan. Sondaı-aq, Aqkól aýyldyq okrýgi ákiminiń orynbasary retinde qyzmet atqarǵan. 2007-2008 jyldary - Atyraý oblysynyń Jer qatynastary bólimi basshysynyń orynbasary; 2008-2015 jyldar aralyǵynda Atyraý oblysynyń Jer qatynastary basqarmasynyń basshysy qyzmetin atqarǵan. 2015-2017 jyldary Atyraý oblysy Jer qatynastary basqarmasynyń basshysy bolǵan.
2017 jyldyń qazan aıynan beri qazirgi qyzmetinde.
119 jyl buryn (1899-1961) amerıkandyq jazýshy, Nobel syılyǵynyń laýreaty HEMINGÝEI Ernest Mıller dúnıege keldi.
Dáriger otbasynda týǵan. Jazýshynyń alǵashqy kitaby «Bizdiń dáýirde» degen atpen 1925 jyly jaryq kórdi. Onyń esimin álemge tanytqan «Qosh bol, qarý» romany boldy. Hemıngýeı 20 ǵasyrdyń 30-shy jyldary «Buqa múıizi», «Frensıs Makomberdiń qysqa baqyty», «Kılımandjaro qary», t.b. týyndylaryn jáne qoǵamdaǵy áleýmettik qaıshylyqtardy synǵa alatyn «Bar men joq» romanyn jazdy. Ispan dáýiri jazýshy shyǵarmashylyǵynyń órleý kezeńi boldy. Bul tusta onyń kóptegen ocherkteri, reportajdary, «Besinshi kolonna» pesasy, «Qońyraý kimge soǵylady» romany jaryq kórdi. Ekinshi dúnıejúzilik soǵystan keıingi birshama irkilisten keıin ol «Shal men teńiz», t.b. týyndylarymen qaıtadan dańq tuǵyryna kóterildi.