21 shilde kúni elimizde bolatyn mańyzdy sharalar ańdatpasy
9.00-de www.parlam.kz saıtynda Qazaqstan Respýblıkasy Úkimetiniń otyrysy ótedi. Kún tártibinde epıdemııaǵa qarsy sharalardy júzege asyrý barysy, ekonomıka salalaryndaǵy jergilikti qamtýdy damytý: «Qarapaıym zattar ekonomıkasy» baǵdarlamasyn iske asyrýdaǵy progress, qurylys materıaldarynyń otandyq óndirisin damytý, retteletin satyp alýlar qaralady. Úkimet otyrysy onlaın rejıminde PrimeMinister.kz veb-saıtynda jáne áleýmettik jelilerdegi resmı akkaýnttarda kórsetiledi.
11.00-de Nur-Sultan qalasy ákimdiginiń baspasóz ortalyǵynda «42 500 teńge kóleminde birrettik áleýmettik tólem jasaýdyń tártibi» taqyrybynda onlaın brıfıng ótedi. Onlaın baspasóz-konferentsııasy Nur-Sultan qalasy ákimdiginiń Facbook-taǵy resmı paraqshasynda https://www.facebook.com/nursultanakimat/ tikeleı efırinde ótedi.
12.00-de Facebook-tegi https://www.facebook.com/KazCenterZhkh/ paraqshasynda «Qazaqstandyq turǵyn úı-kommýnaldyq sharýashylyqty jańǵyrtý jáne damytý ortalyǵy» AQ Ádisteme jáne aımaqtyq damý bólimi bastyǵynyń orynbasary Marǵulan Jeńisulymen «Zańnamadaǵy ózgerister» taqyrybynda tikeleı efır ótedi. Tikeleı efırde bólim basshysynyń orynbasary turǵyn úı-kommýnaldyq sharýashylyq salasyndaǵy zańnamany ózgertý boıynsha júrgizilip jatqan jumystar týraly aıtyp, ózekti suraqtarǵa jaýap beredi.
15.00-de QR Prezıdenti janyndaǵy «Ortalyq kommýnıkatsııalar qyzmeti» RMM-de koronavırýstyq ınfektsııa boıynsha aǵymdaǵy jaǵdaı týraly
baspasóz konferentsııasy ótedi. Spıker: QR Densaýlyq saqtaý mınıstri Alekseı Tsoı, QR densaýlyq saqtaý vıtse-mınıstri Ajar Ǵınııat. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz