21 shilde kúngi aýa raıy boljamy
NUR-SULTAN. QazAqparat - 21 shilde kúni el aýmaǵynyń basym bóliginde kún ashyq bolady, dep habarlaıdy QazAqparat Qazgıdrometke silteme jasap.
21 shildede atmosferalyq aýa aǵyndarynyń áserinen shyǵysta kún kúrkirep, jańbyr jaýady, ońtústik pen soltústikte jáne batysta kún ashyq. Keı jerlerde jeldiń kúsheıýi, daýyl kútiledi, burshaq jaýýy yqtımal, ońtústik batysta – shańdy daýyl.
Shyǵys Qazaqstan oblysynyń keı jerlerinde daýyl kútiledi, burshaq jaýýy múmkin, jeldiń kúshi 15-20, kúndiz ekpini 23-28 m/s.
Qaraǵandy oblysynyń keı jerlerinde daýyl turýy, burshaq jaýýy yqtımal, jeldiń jyldamdyǵy 15-20, kúndiz ekpini 23 m/s kúsheıedi.
Pavlodar, Qostanaı, Aqmola oblysynyń keı jerlerinde daýyl kútiledi, burshaq jaýýy múmkin, jel 15-20 m/s, ekpini 23 m/s. Soltústik Qazaqstan oblysynyń keı jerlerinde daýyl turýy, burshaq jaýýy yqtımal, jel 15-20 m/s kúsheıedi.
Jambyl, Batys Qazaqstan oblystarynda daýyl kútiledi, jeldiń jyldamdyǵy 15-20 m/s jetedi.
Almaty, kúndiz Atyraý oblystarynyń keı jerlerinde jel turyp, 15-20 m/s kúsheıedi. Túrkistan, Qyzylorda oblystarynda jeldiń jyldamdyǵy 15-20 m/s jetedi.
Manǵystaý oblysynyń kúndiz keı jerlerinde shańdy daýyl kútiledi, jel 15-20 m/s kúsheıedi.
Kúndiz Almaty, Túrkistan oblystarynda, Batys Qazaqstan, Qostanaı, Qaraǵandy, Shyǵys Qazaqstan oblystarynyń ońtústiginde aptap ystyq bolady.
Atyraý, Aqtóbe, Batys Qazaqstan, Qyzylorda oblystarynda, Qostanaı, Túrkistan, Qyzylorda oblystarynyń basym bóliginde, Almaty, Qaraǵandy oblystarynyń keı jerlerinde joǵary órt qaýpi saqtalady.
