21 sáýir. Tulǵalar týǵan kún
Búgin, 21 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
72 jyl buryn (1953) aqyn, jýrnalıst, jazýshy-aýdaramashy, Qazaqstan jazýshylar odaǵynyń múshesi Baqytjan Oshaqbaıuly TOBAıAQ dúnıege keldi.
Almaty oblysynda týǵan. Qazaq polıtehnıkalyq ınstıtýtyn, Qazaq memlekettik ýnıversıtetin, Qazaq ǵylymı-tehnıkalyq aqparat ınstıtýtynyń ekonomıkalyq kýrsyn, Energetıka ǵylymı-zertteý ınstıtýtynyń aspırantýrasyn bitirgen.
«Qaztehenergo» kásipornynyń ınjeneri, Energetıka mınıstrliginiń aǵa ınjeneri, Energetıka ǵylymı-zertteý ınstıtýtynyń ǵylymı qyzmetkeri, Qazaq entsıklopedııasynyń ǵylymı redaktory, «Bilim jáne eńbek» («Zerde») jýrnalynyń bólim meńgerýshisi, «Halyq Keńesi» gazetiniń bólim meńgerýshisi, «TAŃ» telekompanııasynyń kommentatory, QR Qarjy mınıstrliginiń bólim bastyǵy, «Qarjy-Qarajat» jýrnalynyń arnaýly tilshisi, QR Kásiporyndardy qaıta uıymdastyrý agenttiginiń bólim bastyǵy, Qazaq telegraf agenttiginiń redaktory, «Habar» agenttiginiń redaktory, Qazaq memlekettik basqarý akademııasy jýrnalynyń jaýapty redaktory, Almaty qalalyq ákimshiligi Til basqarmasynyń bólim meńgerýshisi qyzmetterin atqarǵan. Qazir ulttyq «KEGOK» energetıkalyq kompanııasynda jumys isteıdi. Aqynnyń «Bostan», «Metaldar qupııasy», «Egemen eldiń ekonomıkasy», «Sonar», «Adamzat tirlikti dáýlet bilmek.», «Qulanıek», «Almaty kósheleri», «Kúreńbel» atty kitaptary jaryq kórgen.
61 jyl buryn (1964) Qazaqstan Respýblıkasynyń Nıderland Koroldigindegi Elshisi, Qazaqstan Respýblıkasynyń Hımııalyq qarýǵa tyıym salý jónindegi uıym janyndaǵy Turaqty ókili Qaırat Qudaıbergenuly ÁBDІRAHMANOV dúnıege keldi.
Almaty oblysy Panfılov aýdany Jarkent qalasynda týǵan. Qazaq memlekettik ýnıversıtetin, aspırantýrasyn támamdaǵan.
Qazaq polıtehnıkalyq ınstıtýtynyń oqytýshysy bolǵan. 1993-1998 jyldary QR Syrtqy ister mınıstrliginiń úshinshi, ekinshi hatshysy, bólim meńgerýshisi, Azııa elderi basqarmasy bastyǵynyń, Azııa elderi departamenti dırektorynyń orynbasary, Azııa, Taıaý Shyǵys jáne Afrıka basqarmasynyń bastyǵy — ІV departamenti dırektorynyń orynbasary, 1998-1999 jyldary QR Syrtqy ister mınıstrligi III departamentiniń, Eki jaqty qatynastar departamentiniń dırektory, 1999-2001 jyldary QR Syrtqy ister vıtse-mınıstri, 2001-2003 jyldary Qazaqstan Respýblıkasynyń Ulybrıtanııadaǵy Tótenshe jáne Ókiletti Elshisi qyzmetin atqarǵan. 2003-2006 jyldary Qazaqstan Respýblıkasynyń Izraıldegi Tótenshe jáne Ókiletti Elshisi, 2006-2007 jyldary QR Syrtqy ister mınıstriniń orynbasary, 2007-2008 jyldary Qazaqstan Respýblıkasynyń Aýstrııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili boldy. 2008-2011 jyldary Eýropadaǵy qaýipsizdik jáne yntymaqtastyq uıymy jáne Vena qalasyndaǵy basqa da halyqaralyq uıymdar janyndaǵy Qazaqstan Respýblıkasynyń Turaqty ókili, 2013 jyly Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi, 2013-2016 jyldary Qazaqstan Respýblıkasynyń Birikken Ulttar Uıymy janyndaǵy Turaqty ókili qyzmetin atqardy. 2016-2018 jyldary QR Syrtqy ister mınıstri boldy. 2019-2020 jyldary Qazaqstan Respýblıkasynyń Shvetsııa Koroldigindegi Tótenshe jáne Ókiletti Elshisi, Qazaqstan Respýblıkasynyń Danııa Koroldigindegi Tótenshe jáne Ókiletti Elshisi qyzmetin qosa atqarýshy boldy. 2020-2024 jyldary EQYU az ulttar isteri jónindegi joǵarǵy komıssary laýazymyn atqarǵan.
Qazirgi qyzmetin 2024 jyldyń qyrkúıeginen beri atqaryp keledi.
48 jyl buryn (1977) «Alataý Jaryq Kompanııasy» AQ Basqarma tóraǵasynyń orynbasary — bas ınjeneri Jaqsylyq Berikjanuly SAǴYMBEKOV dúnıege keldi.
2000 jyly Q.I. Sátbaev atyndaǵy Qazaq ulttyq-tehnıkalyq ýnıversıtetin Elektr júıeleri men jelileri, ınjener-elektrık mamandyǵymen, 2020 jyly ál-Farabı atyndaǵy Qazaq ulttyq ýnıversıtetin iskerlik ákimshilendirý, Іskerlik ákimshilendirý magıstri dárejesimen bitirgen.
Eńbek joly: 2000-2002 jyldary Kókshetaý AEK, Taıynsha ETA, Keller PEÝ sheberi, jabdyqtardy jóndeý jónindegi elektr monteri, 2003-2010 jyldary KEGOC AQ-nyń Aqmola JET fılıaly, Atbasar aýmaqtyq elektr jelileri Bas tómendetý qosalqy stantsııasynyń sheberi, bastyǵy, 2010-2014 jyldary «Alataý Jaryq Kompanııasy» AQ Qosalqy stantsııa basqarmasy bastyǵynyń orynbasary, bas maman, SBjEQB bas mamany, 2014-2022 jyldary «Mańǵystaý óńirlik elektrjelilik kompanııasy» AQ Basqarma tóraǵasynyń paıdalaný jónindegi orynbasary — bas ınjeneri qyzmetin atqarǵan.
Qazirgi laýazymyn 2022 jyldyń qazan aıynan beri atqaryp keledi.