21 sáýirden bastap «Spýtnık V» vaktsınasyn saldyrǵan qazaqstandyqtardyń ekpe alý ıntervaly ózgeredi
«Vaktsınatsııany eki kezeńmen júrgizedi: eń aldymen 0,5 ml dozada I komponentpen, sodan keıin vaktsınatsııa kúnin eseptemegende 45 kúnnen keıin - 0,5 ml dozada II komponentpen; bul rette 45-shi kúnge II komponentpen vaktsınatsııa júrgizý múmkin bolmaǵan jaǵdaıda (demalys, mereke kúnderine sáıkes kelý, basqa eldi mekenge shyǵý jáne basqalar) vaktsınatsııany 90 kún ishinde júrgizýge jol beriledi; vaktsınatsııanyń osy kýrsy 2021 jylǵy 21 sáýirden bastap «Gam-KOVID-Vak» vaktsınasynyń birinshi komponentin alǵan adamdarǵa engiziledi», - dep jazylǵan qaýlyda. Qujat 2021 jylǵy 3 mamyrda saǵat 00-den bastap kúshine endi.
Aıta ketsek, bıyl sáýir aıynyń sońynda Reseıdiń N.Gamaleı atyndaǵy Epıdemıologııa jáne mıkrobıologııa ulttyq zertteý ortalyǵynyń dırektory Aleksandr Gıntsbýrg vaktsınalaý merzimine qatysty málimdeme jasady. Bul jaıynda «Spýtnıka V» Telegram kanalynda jarııalandy.
«Bizdiń ortalyqta daıarlanǵan «Spýtnık V» vaktsınasyna toqtalsaq, sheteldik seriktesterdiń suraýy boıynsha tıisti jaýapty joldaımyz. Osy oraıda olardyń ótinimi boıynsha sheteldik naryqtarda vaktsınanyń birinshi jáne ekinshi komponentterin engizý arasyndaǵy ıntervaldy buryn bekitilgen eń az yqtımal 21 kúnnen úsh aıǵa deıin ulǵaıtýǵa bolady dep sanaımyz», - dedi Aleksandr Gıntsbýrg.
Ǵalymnyń sózine qaraǵanda, ıntervaldy 21 kúninnen 3 aıǵa deıin arttyrý vaktsına qalyptastyratyn ımmýndyq jaýaptyń kúshine áser etpeıdi, sondaı-aq keıbir jaǵdaıda ony uzartýy da múmkin.
«Mundaı paıymǵa uqsas adenovırýstyq platformada vaktsınalardy paıdalaný tájirıbesine súıenip, sondaı-aq Reseı men shet memleketterde jappaı vaktsınalaý boıynsha tabysty naýqandar negizinde kelip otyrmyz», – dep naqtylady professor.
Bul turǵyda árbir ulttyq retteýshi óz erkimen birinshi jáne ekinshi komponetterdi egý arasyndaǵy ıntervaldy 21 kún aralyqta qaldyrý nemese ony 3 aıǵa deıin uzartý týraly sheshimdi qabyldaı alady.
Aleksandr Gıntsbýrgniń aıtýynsha, Reseı tarapy óz aýmaǵynda vaktsınanyń birinshi jáne ekinshi dozasy arasyndaǵy ıntervaldy burynǵy merzimde qaldyryp otyr.
Osynyń barlyǵyn eskere otyryp, jaqynda KVI-ǵa qarsy vaktsınatsııalaý kestesin ózgertý máselesi boıynsha QR Bas memlekettik sanıtarııalyq dárigeri Erlan Qııasov túsinikteme berdi.
«Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 30 sáýirdegi № 17 qaýlysyna sáıkes «Spýtnık V» vaktsınasymen vaktsınatsııalaý kestesine ózgerister engizildi. Bul rette osy vaktsınanyń birinshi jáne ekinshi komponentterin engizý arasyndaǵy ınterval 45 kúndi quraýy tıis. Ekinshi komponentpen 45-shi kúni vaktsınatsııa júrgizý múmkin bolmaǵan jaǵdaıda (demalys, mereke kúnderine tuspa-tus kelý, basqa eldi mekenge shyǵý jáne basqalary) ekpeni 90 kún ishinde júrgizýge jol beriledi. Vaktsınatsııa kestesine qatysty bul ustanym professor, RǴA akademıgi, Gamaleı atyndaǵy epıdemıologııa jáne mıkrobıologııa ulttyq zertteý ortalyǵynyń dırektory A. Gıntsbýrgtyń 2021 jylǵy 22 sáýirdegi resmı málimdemesine negizdelgen», - dedi E. Qııasov.
Atalǵan málimdemege sáıkes, «Spýtnık V» vaktsınasynyń birinshi jáne ekinshi komponentterin engizý arasyndaǵy ıntervaldy eń az yqtımal 21 kúnnen 90 kúnge deıin ulǵaıtýǵa bolady jáne ıntervaldy ulǵaıtý ımmýndyq jaýaptyń kúshine áser etpeıdi. Bul halyqty ımmýndaýdy aıtarlyqtaı jyldamdatýǵa múmkindik beredi. Keıbir jaǵdaılarda ıntervaldy uzartý adamnyń ımmýndyq reaktsııasynyń kúshi men uzaqtyǵynyń artýyna ákeledi.
«Koronavırýs ınfektsııasymen syrqattanýshylyq boıynsha aǵymdaǵy epıdemıologııalyq jaǵdaıdy eskere otyryp, qazirgi ýaqytta halyqtyń anaǵurlym kóp mólsherin osy ınfektsııaǵa qarsy vaktsınanyń birinshi komponentimen qorǵaý maqsatynda vaktsınatsııa protsesin jedeldetý qajettiligi týyndap otyr. Vırýstyń jańa mýtatsııalarynyń paıda bolý yqtımaldyǵyn barynsha azaıtý úshin halyq arasynda koronavırýstyń aınalymyn azaıtýǵa baǵyttalǵan sharalar qabyldanýda. Osyǵan baılanysty, vaktsınany ázirleýshiniń joǵaryda kórsetilgen málimdemesiniń negizinde Qazaqstan Respýblıkasy Densaýlyq saqtaý mınıstrligi «Spýtnık V» vaktsınasynyń eki komponentin engizý arasyndaǵy ıntervaldy uzartý jáne birinshi komponentti engizgennen keıin 45-shi kúni ekinshi komponentpen egý týraly sheshim qabyldady», - dep túsindirdi ol.
