21 sáýirde el aýmaqtarynda qubylmaly kún raıy saqtalady
ASTANA. QazAqparat - Atmosferalyq fronttardyń ótýine baılanysty 21 sáýir kúni Qazaqstannyń basym bóliginde qubylmaly aýa raıy saqtalady, keı jerlerde jańbyr jaýyp, tuman bolady, jel kúsheıedi.
Tek batys jáne soltústik-shyǵys aımaqtarda jaýyn-shashynsyz kún raıy kútiledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, túnde Soltústik Qazaqstan oblysynyń keı jerlerinde tuman baqylanyp, kúndiz basym bóliginde 15-20 m/s jyldamdyqpen soqqan jeldiń ekpini 23m/s kúsheıedi.
Ońtústik Qazaqstan, Qyzylorda, Jambyl, kúndiz Aqmola, Almaty, Shyǵys Qazaqstan oblystarynyń jekelegen jerlerinde jeldiń jyldamdyǵy 15-20 m/s artady, Jambyl oblysynda ekpini 23 m/s jetedi.
Kúndiz Qostanaı oblysynyń keı aýmaqtarynda tuman bolyp, jel 15-20 m/s kúsheıedi.
Túnde Qaraǵandy oblysynyń jekelegen jerlerinde tuman kútiledi, kúndiz jel 15-20 m/s kúsheıdi.
Batys Qazaqstan oblysynyń jekelegen aýmaqtaryn tuman basady.
