21 naýryzdan bastap elimizdiń mal sharýashylyǵy ónimderi Reseıge erkin eksporttalady- AShM
ASTANA. 24 naýryz. QazAqparat /Rýslan Ǵabbasov/ - Aǵymdaǵy jyldyń 21 naýryzynan bastap elimizdiń mal sharýashylyǵy ónimderi Reseıge erkin eksporttalady.
Bul týraly búgin QR AShM-nyń aýyl sharýashylyǵy keshenindegi memlekettik ınspektsııa komıtetiniń tóraǵasy Asqar Jaqypbaev aıtty.
Onyń sózine qaraǵanda, búginde mal ónimderin Atyraý, Aqtóbe, Shyǵys Qazaqstan, Pavlodar, Batys Qazaqstan oblystarynan Reseıge eksporttaýǵa qoıylǵan shekteý alynyp tastaldy.
A. Jaqypbaevtyń aıtýynsha, aǵymdaǵy jyldyń tamyz aıynda 1 jyldyq karantındik tártip aıaqtalǵannan keıin Aqmola olysynyń aýmaǵyndaǵy mal sharýashylyǵy ónimderi eksporttala bastaıdy. Al Ońtústik Qazaqstan, Jambyl, Almaty, Qyzylorda oblystarynda aýsylǵa qarsy dári egý sharalary jýrgizilýde. Atap aıtqanda, osy oblystardan shıki etti eksporttaýǵa ýaqytsha shekteý qoıylyp otyr. Osy óńirdegi et ónimi tek termııalyq óńdeýden ótkennen keıin ǵana shyǵarylýy múmkin.
Budan buryn habarlanǵandaı, elimizdegi etti mal sharýashylyǵyn damytý maqsatynda «QazAgro» holdıngi arnaıy jobany ázirledi. Osynyń aıasynda Qazaqstan jyl saıyn aldaǵy jyldary 60 myń tonna etti eskporttaýdy kózdep otyr.
